Nûçe

Rêveberiya Xweser hewldanên guhertina demografî red kir

-->

Hevserokê Meclis Giştî ya Rêveberiya Xweser a Bakur û Rojhilatê Sûriyê Ferîd Etî teqez kir ku ew bi vegera hemû şêniyên gelê Sûriyê yên li derve re ne û destnîşan kir ku hin dewlet ji bo berjewendiyên xwe bi dosya koçberan dilîzin û siyasetê dikin û her cureyên hewldanên guhertina demografiya herêmê red kir.

 

 

Daxuyaniyên berpirsên dewleta Tirk der barê dosya Sûriyê û herêmên Bakur û Rojhilatê Sûriyê zêdetir dibe, tevî ku li hevkirina di navbera QSD`ê û DYA û Tirkiyê der barê mekanîzmeya ewlehiya sînor û pêkanîna bendên wê de pêk hatin.

 

 

Serokkomarê Tirkiyê di civîna Komseriya giştî ya NY`ê de diyar kir ku dibe herêmên Bakur û Rojhilatê Sûriyê dagir bikin û projeya bicihkirina 2 milyon koçberên Sûriyê li herêmê bicih bike.

 

 

Der barê mijarê, Hevserokê Meclisa Giştî ya Rêveberiya Xweser a Bakur û Rojhilatê Sûriyê Ferîd Etî ji ANHA`yê re axivî û helwesta Rêveberiya Xweser ji plana Tirkiyê zelal kir.

 

 

Etî got ku ew ji destpêkê ve bi vegera hemû şêniyên gelê Sûriyê ji koçber û penaberên ku neçar man ji ber şer ji welêt derkevin re ne.

 

Etî wiha doman: “Ew yek li ser bingeha parastin û istiqrarê ye, ji ber gelek kes ji ber zextan û hin ji bo nêrînên xwe koçber bûn.”

 

 

Her wiha Etî destnîşan kir ku wan bang li penaberên Sûriyê kirin da ku vegerin welatê xwe û bang li koçberên li hundir kir ku vegerin bajarok û bajarên xwe.

 

 

Ferîd Etî da zanîn ku gelek dewlet û di nav de Tirkiyê, xwestin bi dosya penaberên Sûriyê bilîze û siyasetê bike. Her wiha hewl dan di bin navê gelek navan û ya dawî ” Herêma ewle” demografiya herêmê biguherînin.

 

 

Etî destnîşan kir ku wan bi aliyên Amerîkî û Tirkiyê re der barê mekanîzmeya ewlehiya sînor li ser xaka sînorê bi Tirkiyê re li hev kirine, ew yek li ser bingeha parastina ewlehî û istîqrarê, ne ji bo guhertina demografiyê ye.

 

 

Etî teqez kir ku sîstema Rêveberiya Xweser demokratîk e û bang li jiyana hevbeş û pirrengiya çandî dike.

 

 

Hevserokê Meclisa Giştî Ferîd Etî di dawiya axaftina xwe de nerazîbûna xwe dijî her siyasetên guhertina demografiya herêmê teqez kir

Click to comment

Leave a Reply

Your email address will not be published. Required fields are marked *

To Top