Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

43 Saliya Partiya Karkerên Kurdistanê 23.11.2020

 

Komîteya Navendî ya PKK’ê bi rasthatina salvegera 42yemîn a damezrandinê, daxuyaniyek da.

Di daxuyaniyê de wiha hat gotin:

Sala 43’yan a PKK’ê, wê bibe sala têkoşîna mezin û destketiyan, sala rûxandina faşîzma AKP-MHPê, şikandina pergala êşkence û tecrîdê ya Îmralî û bidawîkirina dagirkeriya dewleta Tirk.

43 SALIYA PARTIYA KARKERÊN KURDISTANÊ
PKK: DI SERÎ DE LI RÊBER APO, LI HEVRÊYAN Û GELÊ ME HEMÛYÎ PÎROZ BE

Komîteya Navendî ya Partiya Karkerên Kurdistanê bi rasthatina 27’ê Mijdarê, salvegera 42. a damezrandina PKK’ê daxuyaniyek da.

Di serî de li Rêber Apo, PKK’ê salvegera damezrandinê li tevahiya hevrê, welatparêzên Kurdistanê û dostên xwe pîroz kir.

Di şexsê Hakî Karer, şehîdên sala 42yan Qasim Engîn, Leyla Agirî, Egîd Civyan, Amara Batman û Yilmaz Dersim de şehîdên têkoşîna azadiyê hemû bibîranîn.

Di daxuyaniya Komîteya Navendî ya PKK’ê de têkoşîna azadiyê ya jinê û pêşwazîkirina wê ya 25’ê Mijdarê jî hat bibîrxistin û berxwedana jinan a ji bo azadiyê hat silavkirin.

43 SALIYA PARTIYA KARKERÊN KURDISTANÊ
PKK: LI DIJÎ TEVGERA ME Û GELÊ ME PÎLANA TINEKIRIN Û TASFIYEKIRINÊ KIRIN DEWRÊ

Di daxuyaniyê de hat destnîşankirin, ku PKK di sala 42yan de bûye hedefa pîlaneke tinekirin û tasfiyekirinê ya bi pêşengiya Amerîkayê, ku xwe dispêre tifaqa DYA-TC-PDK’ê:

Ev êriş li ser bingeha nûkirina komploya navneteweyî tê birêvebirin.

Vê êrişê li Bakur tinekirin, li Rojava û Başûr jî dagirkirin kiriye hedef.

Bi êrişê hatiye xwestin, ku rastiya Rêber Apo û PKK’ê were bêbandorkirin.

Hewl hatiye dayîn, ku Kurdîtiya azad were tinekirin û êrişa qirkirinê ya pîlana sed salî were biserxistin.

Ji bo vê yekê her cûre amûrên êrişê hatine bikaranîn, îtîfaqên berfireh hatine sazkirin û bi hovane serî li zext, zilm û komkujiyan dane.

43 SALIYA PARTIYA KARKERÊN KURDISTANÊ
PKK: BERXWEDANA RÊBER APO, TEVGERA ME Û GEL PÎLANA TINEKIRINÊ PÛÇ KIR

Di daxuyaniya Komîteya Navendî ya PKK’ê de berxwedana Rêber Apo, PKK, hêzên gerîla, tevgerên jin û ciwanan, gelê Kurd û dostên wî ya li dijî vê pîlana qirkirin û tinekirinê hat destnîşankirin:

Li ser stratejiya şerê gel ê şoreşgerî êrişên faşîst-qirker hatin şikandin û pîlanên tasfiye û tinekirinê hatin têkbirin.

Pêngava Şoreşgerî ya Cenga Heftanînê derbên giran li êrişkariya faşîst û qirker da û bû pêşenga vê berxwedanê.

Di daxuyaniya PKK’ê de hat destnîşankirin, ku weke tevger û gel bi vî rengî dikevin sala 43yan a têkoşînê û wiha hat gotin:

Ji bo pêşketin û mezinbûna pêngava me ya “Dem Dema Azadiyê ye” were astengkirin, îtîfaqa DYA-TC-PDK’ê “Peymana Şengalê” û tevgera hêzên PDK’ê li dijî gerîlayên me xistin dewrê.

Bi vê provokasyonê û bikaranîna hêzên PDK’ê dixwazin rê li ber pêngava me bigirin, faşîzma AKP-MHP’ê ji rûxandinê xilas bikin.

Lê zelal e, ku ev lîstik û hewldanên provokatîf hemû pûç in û wê encamê negirin.

Ji ber ku gerîlayên me yên qehreman li çiyayan, rêxistinên me yên jin û ciwanan bi çalakiyên li bajaran berê pêngava me dane serketinê.

Di daxuyaniya Komîteya Navendî ya PKK’ê de hat destnîşankirin, ku PKK wê bi pêngava şoreşger-demokratîk a di sala 43yan de faşzîma AKP-MHP’ê teqez birûxîne:

Ev hilweşîn wê bi pêşengiya partiya me, bi çalakiyên rojane yên gelê me, dostên me yên şoreşger-demokratîk xurtir bibe.

43 saliya PKK’ê wê bibe sala têkoşîna mezin û destketiyan, sala rûxandina faşîzma AKP-MHPê, şikandina pergala êşkence û tecrîdê ya Îmralî û bidawîkirina dagirkeriya dewleta Tirk li Kurdistanê.

Li ser vê bingehê em bang li her kesî dikin ku bi awayekî çalaktir beşdarî pêngava berxwedanê ya “Dem Dema Azadiyê ye” bibin.

Ev jî hatin dîtin

TJK-E: 23’yê Çileyê ji tecrîdê re bibêjin êdî bes e 21.01.2021

Stêrk Tv

Salvegera 7’an a avakirina Rêveberiya Xweser li Amûdê bi şahiyek hat pîroz kirin 21.01.2021

Stêrk Tv

PJAK: Komara Kurdistanê ji bo demokrasiyê bereyê bingehîn bû 21.01.2021

Stêrk Tv

Lîstika nû ya rejîma faşîst: Îdianameya Kobanê 21.01.2021

Stêrk Tv

KCDK-E: Li dijî komployê wê bê navber çalakî werin li darxistin 21.01.2021

Stêrk Tv

Hulusî Akar ji bo êrişeke li dijî PKK’ê heta dawiya Sibatê dem daye Bexdayê 21.01.2021

Stêrk Tv
× Me agahdar bikin!