Amede de komkerdişê fistiqan dest pê kerdo.
Ma do nika verê xo bidê dewa Xirbizil ya qezaya Çinar.
Daranê fistiqan hem semedî berhemdarîye, hem zî semedî aborî wayir ro taybetmendîyeke muhîm o.
Weykerdişê daranê fistiqan kedeke pîl wazena.
Fistiq wexto ke berhem danê, do aşmanê amnanî de kakilê xo pirr kenê.
Komkerdişê fistiqan, peynîya amnanî, aşma Îlone de dest pê keno.
Dewa Xirbizil ya qezaya Çinar ya Amede de zî karkeran dest bi komkerdişê fistiqan kerdîy.
Karkerîy serê sibay rew şinê bexçeyanê fistiqan.
Di hawaya germ ya Amede de heta şandî bi heqrojeke zaf ercan kar kenê.
Û heqê keda xo zî nêgênê.
Cenîy ke no karî kenê, derheqê karê komkerdişê fistiqan de qisey kerdîy.
Bi gorey çend kesan no kar hêsan o. Bi gorey çend kesan zî zahmetîya no karî zaf o.
Welatij Tiba Tunç nêy çîy ard ziwan:
“Zey heme karan, zehmetîya no karî zî esto. Ge ge awe çinya û ma di na hawaya germe de bêawe manenê. Heke awe estbo zî, germ a.
La reyna zî cuwîyayîşî dewa weş o.
Hawayoke pak esto û ma xozaye de cuwîyenê.
No zî ma kêfweş keno.”
Aysel Gultekîn zî ney vatîy:
“Xora cuwîyeye ma zevî û bexçeyan de vîyareno. Nika wextê komkerdişê fistiqan o.
Ez no karî ra zaf hez kena û wextê ma zî weş vîyareno. Ma deyran vanê û govend zî gênê. No zî beno sebeb ke ma kêfweşî karî xo bikerê.”
