Aqûbeta 16 kesên ji Mexmûrê yên li Hewlêrê ji aliyê Asayîşa PDK’ê ve hatine girtin hîn nediyar e.
Asayîşa PDK’ê ji roja ku ambargo li ser wargeha Mexmûrê hatiye danîn û vir ve gelek şêniyên wargehê girtine. Ji 20 kesên ku heta niha hatine girtin 4 ji wan hatin berdan, lê belê aqûbeta 16 kesan nayê zanîn.
Kesên hatine berdan diyar dikin ku di girtîgehê de gotinen nexweş, bêrêzî û heqaret li wan hate kirin. Her wiha gotin ku ew di koxûşên ku çeteyên DAIŞ’ê hebûn de dihatin ragirtin û gelek caran wan di avêtin hûcreyên yek kesî.
Komîteya KarêDerve ya Wargeha Penaberan a Şehîd Rustem Cûdî jî diyarkiribû ku di nava meha dawî de, herî kêm 20 kesên wargehê ji aliyê hêzên asayîşa PDK’ê ve li Hewlêrê hatine girtin.
Li gorî agahiyên Komîteya Karên Derve ya Mexmûrê 15 karker û 5 jî xwendekar hatibûn girtin û di nava wan de 5 jinên ciwan jî hene. Ev welatiyane di dema çûyîna Hewlêrê, li cihên kar hatine girtin. Xwendekar jî li Hewlêrê hatine binçavkirin. PDK heya niha ti sedemek ji bo girtina şêniyan eşkere nekiriye û agahî jî nade.
Komîteya Karên Derve têkildarî mijarê serî li Xaça Sor a Navnetewî da, lê rayedarên Xaça Sor diyar kirine ku haya wan ji mijarê nîne û ew ê lêkolîn bikin. Malbatên kesên hatine girtin jî rojane ji bo ku agahiyek ji zarokên xwe bistînin, di nava liv û tevgerê dene, lê heya niha negihiştine ti encamekê.
Navê hinek kesên niha girtî ne, wiha ne;
Hacî Yildirim
Aycan Çelebî
Seîd Abdulla Kara
Abdulkerim Yusif Kara
Sadiq Bulut Ehmed
Aydin Apaydin
Orhan Bulut
Rûken Ustun
Karoş Rustem
Şivan Mihemed
Zilan Salih
Qeder Salih
Xurbet Tunç
Rûbar Sadiq
Êhsan Şêx Silêman