ŞENGALÎ XWEDÎ LI ÎRADEYA XWE DERDIKEVIN
BERXWEDANA GELÊ ŞENGALÊ DI ROJA 36’AN DE DIDOME
Welatiyên Şengalê bi armanca li dijî peymana Bexda û PDK’ê ya li ser Şengalê hatî îmzekirin, ji bo piştgirîdayîna Asayişa Êzidxan bikin li pêşiya Navenda Asayişa Şengalê kon vedane.
Çalakiya ku bi dirûşma “Em hemû asayiş in” hatiye destpêkirin di roja xwe ya 36’yan de ji aliyê meclis û saziyên Şengalê ve dewam dike.
Xelkê Şengalê kom bi kom serdana konê berxwedanê dikin û pişgiriya xwe ya ji bo çalakiyê tînin ziman.
Şêniyên herêmê bi çalakî û xwepêşandanên cûda ve heya niha gelek caran daxwazên xwe pêşkêşî hikûmeta Iraqê kirine.
Lê heya niha der barê mijarê de rayederên Iraqê bersivek erênî nedane bang û daxwazên Şengaliyan.
Ji bo vê jî xelkê Şengalê diyar dikin ku heya daxwazên wan pêkneyên ewê çalakiyên xwe bidomînin.
Endama meclîsa jin a Şengalê Mecîde Dexîl da zanîn ku ji derveyî berxwedanê tu tişt ji wan re nemaye.