Hemseroka Konseya Rayirbere ya KCK yî Besê Hozate, tewrê bernameyê “Taybetî” yê Tv Medya Habere bî û mijaranê rojdeme sero qisey kerd.
Besê Hozate bi taybetî bale ante rewşa PDK ser û vat;
Polîtîkayê PDK zaf talûkeyê û zirar danê heme destkewteyanê Şarê Kurdî.
HEMSEROKA KONSEYA RAYIRBERE YA KCK’YÎ BESÊ HOZATE:
“POLÎTÎKAYÊ PDK ZAF TALÛKEYÊ Û ZIRARÊKO PÎL DANÊ DESTKEWTEYANÊ ŞARÊ KURDΔ
Hemseroka Konseya Rayirbere ya KCK yî Besê Hozate, tewrê Bernameyê “Taybetî” yê Tv Medya Habere bî.
Besê Hozate mijaranê rojdeme sero qisey kerd û bi taybetî bale ante polîtîkayan û helwesta verva îşgalkerîye êy PDK ser û vat.
Dewleta tirke verva Şarê Kurdî şerrê qirkerdişî dana domnayene û mexsed têkberdişê heme destkewteyanê Şarê Kurdî yo. Bi vatişêko bîn wazena xeyalê xo yê Sentezê Tirk Îslamî, çinêkerdişê Kurdan ser ra awan bikero. Na hedefa 20243’ine ya dewleta tirke ya.
Êrîşê dewleta tirke êy verva Vaşûrê Kurdistanî di çarçoveya na plane de yê. Di na plane de PDK zî zê maşikêke yena bikarardene. PDK bi polîtîka û vatişanê xo na îşgalkerîye meşrû nîşan dana. Bi vatişêko bîn nêy êrîşê îşgalkedişî bi hetkarî û paştîdayişê PDK pêk yenê.
HEMSEROKA KONSEYA RAYIRBERE YA KCK’YÎ BESÊ HOZATE:
“GERE BÊRO ZANAYIŞ, PDK DEWLETA TIRKE RA ÇI HÎVÎ KENA Û ÇI DAYO DEWLETA TIRKE”
Besê Hozate wina dewam kerd.
YNK zî rewşe zê talûkeyêkê pîlî vînena. Reyna fikarê Goran û rayvistinê bînan zêdîyenê. Pêşmergey, rewşe ra nêrazîyê û nêwazenê şêrê herema Garê. Bi no sebeb PDK Hêzêy Zerevan, şirawitîy hereme. Hêzêy Zerevan hêzêka giredayeya Keyeyê Barzanîyan a. Na polîtîka polîtîkayêka zaf talûkî ya û do zirarêko pîl ro heme şarê Kurdî bido. Gere persê, PDK dewleta tirek ra çi hîvî kena û çi dayo dewleta tirke, bêro persayiş.
HEMSEROKA KONSEYA RAYIRBERE YA KCK’YÎ BESÊ HOZATE:
“NA PLANÊKA TALÛKÎYE YA, BENO KE STATÛYA VAŞÛRÎ ZÎ ORTE RA BÊRO WEDARTIŞ”
Besê Hozate vat;
Çîyo ke nika yeno kerdiş, hedreyîya şerrî ya. No yeno ey mehneyî ke PDK di kişta dewleta tirke de, verva ma îlanê şerrî kena. Na planêka zaf talûkî ya û do di serre de PDK biqedêno. Do heme destkewteyê Vaşûrî têk şêrê û beno ke Statûya ewroyine ya Vaşûrî zî orte ra bêro wedartene.
HEMSEROKA KONSEYA RAYIRBERE YA KCK’YÎ BESÊ HOZATE:
“PERSGIRA MABERÊ PKK Û PDK DE NÊ, MABERÊ PDK Û ŞARÊ KURDÎ DE EST A”
Besê Hozate vat;
Ferasetê ” No şer do tenê bi PKK û PDK yî, nêmano û heme dormeyan bigero xomîyan”, ferasetêko şaş o. Ma naye qebûl nêkenê. Maberê PKK û PDK de persgira çîn ya. Persgira maberê PDK û Şarê Kurdî de, est a. PKK verva êrîş û îşgalkerîya dewleta tirke şarê Kurdî paweno. PDK di îşgalkerdişê Kurdistanî de,dewleta tirke reyde hemkarîye kena. Persgira na ya.
Hemseroka Konseya Rayirbere ya KCK yî Besê Hozate, di serre de Şarê Vaşûrî, veng ro heme partîyê sîyasîyan,roşinvîr,nûştox û rayvistinanê civatî kerd ke, verva ney sîyasetê PDK vengê xo berz bikerê. Gere PDK ney sîyasetê talûkeyî ra fek vera bido.
