Hemseroka Konseya Rayirbere ya KCK yî Besê Hozate, tewrê Medya Habere bî û pergala tecrîdî sero zî qisey kerd.
Besê Hozate vat;
Êdî hêzanêy ke na pergale awan kerda zî, nêwazenê bibê şirîkê ney sûcî.
HEMSEROKA KONSEYA RAYIRBERE YA KCK’YÎ BESÊ HOZATE
“ÊDÎ HÊZÊY KE PERGALA ÎMRALÎ AWAN KERDA ZÎ NÊWAZENÊ BIBÊ ŞIRÎKÊ SÛCΔ
Hemseroka Konseya Rayirbere ya KCK Besê Hozate, tecrîdê verva Rayver Apoyî yê Îmralî de nêy vatîy.
Îmralî de plana çokdayişî yena domnayene û hiqûq çîn yo.Na polîtîkaya ke 22 serrîy o yena domnayişî îflas kerd.
Di roca ma de êdî na pergale meşûrîyetê xo vînî kerd. Heme argumanêy înan pûç vecîyay.
Ma zanenêy ke na pergale hetê hêzêy mîyanetewîyan ra amî awankerdene û gureyê gardîyantîye deya tirkîya.
La êdî CPT, Konseya Ewropa û hêzanêy ke pergale awan kerda zî nêşikenê na pergale bipawê.
HEMSEROKA KONSEYA RAYIRBERE YA KCK’YÎ BESÊ HOZATE
“EWRÛPA HETA NIKA PERSGIRAYA KURDE ZÊ ŞANTAJÎ BI KAR ARDE”
Besê Hozat rewşa Ewropa sero zî nêy ardîy ziwan.
Ewropa na mijare de sîyasetêko diriyin şopnena. Persgiraya Kurde tim zê şantajêke bi kar ard.
Persgiraya Kurde de kerr, korr û lal têgeyra. La ewro êdî sîyasetê AKP-MHP yo faşîst înan zî nerihet kena.
Ma hîvîdarê ke, êdî di na mijare de sîyasetêko raşt bişopnê.
Xora 22 serrîy o nêşikay bi tecrîdî vernîye ro fikir û felsefeya Rayver Apoyî bigerê. Paradîgmaya Rayver Apoyî heme dinya de vila bena. Rojdema binkeyîne ya Hemleya ma ya newîye zî, Azadîya Fîzîkî ya Rayver Apoyî ya. Hemleya ma di mîyanê şaran de bi awayêko bicoş amî vervazîkerdene. Do tekoşîna ma ya di mijara azadîya Rayver Apoyî de bêmaber dewam bikero.
HEMSEROKA KONSEYA RAYIRBERE YA KCK’YÎ BESÊ HOZATE
“HÊZÊY KE QET HEQÊ ÎNAN ÇÎNYO QISEY BIKERÊ, DERHEQÊ ŞENGALE DE PEYMANAN VIRAZENÊ”
Hemseroka Konseya Rayirbere ya KCK yî Besê Hozate derheqê Şengale de zî nêy vatîy.
Ya raşte, hêzêy ke gere bi tu awayî Şengale sero qisey nêkerê û no heqê înan çîn yo, zaf qisey kenê û derheqê Şengale de peymanan virazenê.
Nêy hêzan şarê Şengale bi hovîtî, qetlîama û qirkerdişanê DAÎŞ’î reyde ribiri verday.
Êzîdî riyê êy hêzan ra fermanêke derbas kerd. Hema zî bi hezaran cînî û domanêy Êzîdîyan vînî yê.
La heman hêzîy ewro bêke Êzîdîyan ra pers bikerê peymanan virazenê û qeraran danê.
No bi vatişêko tewir şenik sîyasetêko bêexlaq, bêşerm û bêwijdan o.
