Komeleya Elewîyê Demokratan Şûbeya Îzmîrî de,bi wesîleya bipeynîbîyişê Roceyê Aşma Mûharemî Aşûre û Loqmay amey vilakerdene.
Hemserokê DAD’e Zeynel Bozkûrt zî tewrê merasîmî bi û vat;
Di na cografîya de ewro zî zilmê Kerbela yeno domnayiş û do verva nêy zilmî tekoşîna xo bidomnê.
Komeleya Elewîyê Demokratan şûbeya Îzmîrî, bi wesîleya bipeynîbîyişê Roceyê Mûharremî, aşûre û loqmay vila kerdîy.
Merasîmê vilakerdişê aşûre û loqmayan awanîya Komeleye de pêk ame.
Bi sebebê Şobaya Corona tewrbîyiş sînordar bi.
Hemseroka DAD’e Nebat Çelîke, bi wesîleya merasîmî Gulbange da û vat.
Aşûre bibo wesîleya cuwîyeyêkê hembarî, fikrê azadî, aştî û ameyîyêka roşne.
Badê Çelîke zî Hemserokê DAD’e Zeynel Bozkûrtî qisey kerd.
Bozkûrtî vat; Ma di menga şînî de yê.
Na ra 1340 serîy raver Kerbela de qetlîamêke pêk ame.
No qetlîam di roca ma de zî yeno ramitene.
Bozkurtî vindertişo Hûseynî vîst vîrî û vat; Ya muhîme verva zilmî nîşandayişê vindertişê Huseyînî yo.
Do tekoşîna ma ya verva zilmî bi nêy vindertişê Huseynî, dewam bikero.
Bozkûrtî vat; ma bi sebebê Şobaya Corona tewerbîyiş, sînordar kerd.
Ma hîvîdarêy ke merdimayîye, gamêke raver na şobaye ra zî bixelesîyo.
Dime ra zî aşûre amî vilakerdiş û hunermede Şevda Çîçeke deyrîy vatîy.