Li paytexta Fransa Parîsê di çarçoveya kampanya ‘ Ji bo darizandina Dîktetorekî ‘100 sedem’ çalakiyek hate kirin.
Li aliyê din tevgera jinên Kurd a Fransa bi daxuyaniyekê kuştina Yasemîn Çetîndag şermezar kir û li dijî kuştina jinan banga têkoşînê kir
25ê Mijdarê tevgera jinên Kurd a Ewrûpayê kampanya “Ji bo darizandina dîktatorekî sed-sedem dabû destpêkirin.
Yek ji sedema darizandina dîktator Erdogan jî qetilkirina yek ji damezrînerên PKKê Sakîne Cansiz, Fîdan Dogan û Leyla Şaylemez ku 9ê Çileya 2013an li Parîsê ye.
Tevgera jinên Kurd a Fransayê di çarçoveya kampanyayê de li Eyfelê çalakî pêk anîn.
Li vir li ser navê TJK-Fransa Bêrîvan Firat axivî û her sê jinên şoreşger bîranîn û diyar kirin ku ji ber komkujiya Parîsê divê erdogan bê darizandin.
Bêrîvan Firat ji bo meşa ku wê 6-9’ê Çileyê li Parîsê ji bo bîranîna sê jinên şoreşger pêk were jî banga tevlîbûnê kir.
LI STRASBOURGÊ KUŞTINA YASEMÎN ÇETÎNDAG
TJK-FRANSA LI DIJÎ KUŞTINA JINAN BANGA TÊKOŞÎNÊ KIR
23ê Kanûnê li bajarê Fransa Strasboûrgê, dayika çar zarokan Yasemîn Çetîndag a 25 salî, ji aliyê mêrê bi navê Savaş Ozûyanik ve hatibû kuştin.
Tevgera Jinên Kurd a Fransa qetilkirina Yasemîn Çetîndag bi daxuyaniyekê şermezar kir.
Di daxuyaniyê de hat diyar kirin ku kuştina jinê êdî gihiştiye asta qirkirina zayendî û hat gotin,
Têkoşîna rêxistinbûyî ji bo jinan êdî ji nan û avê jî girîngtir e.”
Em bang li tevahiya civakê dikin ku li ber kuştina jinan rabin ser piyan