“PÊNGAVEKE XURT A SERHILDANÊ”
ÇALAKIYA RÛNIŞTINÊ YA LI STRASBOURGÊ
Hefteya destpêkê çalakî bi tevlîbûna endamên ATÎK, MAR-DER û hunermendên TEV-ÇAND’ê di roja sisiyan de dewam dike.
Koma destpêkê li qada çalakiyê bi sernavê “tecrîd, dagirkerî û faşîzm” semînerek lidar xist.
Di semîneran de rê û rêbazên xurtkirina pêngava “Dem dema azadiyê ye” hatin nîqaşkirin.
Hat gotin ku li dijî êrişên faşîst ên li Tirkiyê pêngaveke xurt a serhildanê tê meşandin, ew jî vê pêngavê cidî dibînin û xwedî lê derdikevin.
Ji bo serketina pêngavê jî bang li her kesî kirin ku têkoşînê xurt bikin.
Axaftvanan diyar kirin ku heya tecrîd bi dawî bibe, ew ê têkoşîna xwe bimeşînin.
Di dirêjahiya rojê de jî çalakgeran, têkildarî rewşa Rêber Apo, fikir û têkoşîna wî bi gelek zimanan belavok belav kirin.