Li gundê Kurzêlê, kesek ji aliyê artêşa Tirk a dagirker û çeteyên wan ve hate kuştin û piştre organên wî hatin dizîn. Çeteyên dewleta Tirk li navçeya Cindirêsê ya Efrînê çar kes revandin.
Hovîtiya artêşa Tirk û çeteyên wan a li dijî Efrîniyan dewam dike.
Komek ji çeteyên li Nexweşxaneya Efrînê diman, Mehmûd Îbo yê ji gundê Kurzêlê yê Efrînê qetil kir û organên wî dizîn.
27’Ê MIJDARÊ 4 SIVÎL HATIN REVANDIN
Li navçeya Cindirêsê ya Efrînê jî rêxistina çete Semerqendê 27’ê Mijdarê 4 sivîlên bi navê Ekrem Nebo (40), Zaîm Mihemed Mihemed (40), Xelîl Henan Xilo û Hisên Silêman Mewas revandin û birin devereke nediyar. Çeteyan ji bo berdana sivîlan fîdye xwestin.
Ji bo her sivîlekî 800 hezar lîreyê Sûriyeyê fîdye xwestin.
