Mehkemeye tirk ya faşîst eskero tecawizkar Mûsa Orhanî ke bibi sebebê mergî Îpek Er, serbest veraday.
Qerarê sosret ey mehkemeye tirk vecîya orte.
Mehkemeya dewleta faşîst vat, sûceke verçiman çinyo û eskerê xo yê tecawizkar pawitî.
Dadî û babîye Îpek Er no derheq de qisey kerdî û nêrazîbîyîşî xo ardîy ziwan.
Dadîya Îpeke vat:
“Tecawizkar bawerîya xo bi dewlet û sîleha xo ard”
Qezaya Qubîn ya Batmanî de, eskerê dewleta tirke bi name Mûsa Orhan tecawizê Îpek Ere kerdbi.
Mexdûra eskero tecawizkar Îpek xo bi giranî dirbetin kerd û 18’ê Tebaxe de zî nêweşxande cuwîyeye xo vînî kerdbi.
Mûsa Orhan 19’ê Tebaxe de seba ke bi sebebê merdişê Îpeke, ame binçimkerdene û tepiştiş.
Do 16’ê Citmenge de mehkemeya eskerê tecawizkar Mûsa Orhanî biameynê pêk ardene.
La mehkemeya dewleta tirke tenê 7 rocî ci zindanî de tepişt û ci verada.
Tewrê ke Îpek di mektubê xo ke pey xo de vardaybî vatbî “min serxoş kerd û heb da min” zî mehkemeya tirk ya faşîst eskero tecawizkar pawit.
Mehkemeya tirk goş nêda îfadeyanê Îpek Er ke verîya xo bikşo daybî.
Û vatişanê malbate û raporê tiba edlî zî esas nêgirot.
Mehkemeya faşîst vat; Tekilîyê înan verîna ra estbi. Sûceke verçiman çinyo.
Dadîya Îpek, Hakîme Kilinç verva qerarê mehkemeya tirk ke eskero tecawizkar serbest verada nêrazîbîyîş nawit û vat, heta ke ez sax biba, ez do na dehwa takîp bikero.
Dadîya Hakîme Kilinç vat:
“Heke edalet estbaynê, do tecawizkar nêameynê veradayîş. Ez do dehwa ro dozger û hakîman zî abikera. Ge tepişenê, ge veradenê. Ma no kay o? Kamder cesaret reyde nayê kene? Gere tecawizkar cezayê tewir giran bigero. Ma dozger û hakîmek çinyê ke ceza bidê ci? Bawerîya min bi edaletî êdî çinya.
Ez do ro înaney ke tecawizkar pawenê ra zî ferk veranêda..”
Dadî Hakîme vat: keyna min heme çîy ke amey serê ya ser nuştbî. Seba ke dewlet û tecawizkar ra tersaybî mektubê xo limit. Çimkî tecawizkar bawerîya xo bi dewlet û sîleha xo ard.
Babîye Îpek, Fuat Er zî vat, înan do verna na qewimyayîşî bêveng nêmane.
Fuat veng ro rayedaranê tirke da û vat:
“Wa edalet pêk bêro.”
