Herîşê îşgalkariye verra Kurdistan bi yewbiyayen yenê guretene.
2008’ine de herîşanê îşgalî verra herema Zap semedî nayê numuneyêka.
Şarê hereme raye nêdana îşgalkaran hetê bînî de zî gerîllayanê azadiye bi xoverdayişî ke pîl na erîş şikîtî.
VERVA VAŞÛRÊ KURDISTANE HÊRÎŞÊ ARTEŞA TIRKE
ARMANCÊ DEWLETA TIRKE, KOLEKERDIŞÊ KURDAN Û KURDISTANÎ YO
Dewleta Tirka îşgalkarî armancanê xo serran canêverda.
Seweta Kurdistan bicero binê bandora xo pêro rayan ana kar ardene.
Seweta nayî kî bi dek û dolabana tayî qûwetanî heremî cena hetê xo.
PDK kî serra 1995 de herîşanê îşgalî yê arteşa Tirkî ê hard rê rayveriye kerd.
21’ê Edare bi namê “Çelîk Harekati” jû operasyone îşgalî heta 2’ê Gulane dewam kerd.
Gorê da zonayisanê fermî 35 hazar eskerî tewrê na herîşan bî.
Nî herîşane dewleta Tirkî de Başûrê Kurdistan de 200 ra jede sîvîlî ciwûyayişê xo kerde vîndî, 15 hazar sîvîlî kî dewanê xo caverda.
Na reyî ke tarix 6’ê Adare 1996.
Hedefê dewleta Tirkî de kî xeta Heftanîn û Kelareş esta.
Operasyone bi namê “Atmaca-Tokat” de sîvîlî hedef ceriyayî.
Eynî serrî dewleta Tirkî bi poşt dayena PDK reyna Başûrê Kurdistan rê operasyon virast.
14’ê Gulane 1997 de kî arteşa Tirkî dest kerd harekate hardî ê en pîlî yê tarixê Komara Tirkiya.
Operasyonê bi namê “Balyoz” de 50 hazar eskerî ca guretî.
Demo ke na lej dest kerd ci 16’ê Gulane 1997 de gerîllayî dirvetine ke Hewlêr de derman biyene, onca bi desan rojnamavanî, hunermend û doxtorî hetê PDK ra ameyî qetil kerdene.
No qetlîam tarixê Kurdistan de bi namê Qetlîamê Hewlera ca guret.
Qûwetê PDK bi eskeranê arteşa Tirka piya tewrê operasyonê eskerî kî bî.
Na herîşî û pêrodayişî nejdiyê 2 asme nêm dewam kerd.
7’ê temmuze 1997 de qedîya.
Eynî serrî bi namê “Çelîk Harekati” jû operasyon kî hard ra dest kerd ci.
Na operasyon de kî PDK ca guret û hedef de onca Xakûrke estî bî.
Asmane Payiz ê 1997 de kî PDK ya piya arteşa Tirkî binê namê “Şafak Harekate de reyna herîşî Xakûrke û herema Zagros kerd.
Dewleta Tirkî û PDK jû peymane mor kerd.
Tanq, helîkoptere lej ê arteşa Tirkî Başûrê Kurdistan de ameyî ca kerdene.
Û serre bi serrê na homare jede bî.
Nika bi hazaran eskerî tirkî ê taybet, gurekarê MÎT, Başûrê Kurdistan de estî.
Onca bi desan cayî de merkezê eskerî û îstîxbaratî yê arteşa Tirkî ame ronayene.
VERVA VAŞÛRÊ KURDISTAN HERÎŞÊ ARTEŞA TIRKE
SERRA 2008’INE DE ŞARÊ AMEDÎYE, DERALOK Û KANÎMASÎ VERNÎYA TANQANÊ ARTEŞA TIRKE GURET
Demê hukumdariya AKP de kî nî herîşî dewam kerdî.
21 û 29ê Sibate 2008 de Zap hedef de bî.
Nî herîşî hetê gerîllayanê azadiye ra bi xoverdayişî de pîla peyser ame pisiqnayene.
Şarê Başûrê Kurdistan kî na operasyonanê îşgalî rê hersê xo misna.
Amediye, Deralok û Kanîmasî ra virniya qûwetanê arteşa Tirkî ame guretene.
Şarê hereme verva îşgalkariya dewleta Tirkî xoverdayişî de pîl misna.
Hurendiya îxanetî de raya azadiyî de şiyayene guret.
Na vinitisê şarê Amediye, Deralok û Kanîmasî kî tarixê Tekoşîna Azadiya Kurdistan de cayî de muhîm guret.
