ÊRIŞÊN DAGIRKERIYA TIRK LI DIJÎ BAŞÛR
DEWLETA TIRK EW BIRÎNDAR KIR, PDK’Ê JÎ AVÊT ZINDANÊ
19’ê Mijdarê artêşa dewleta dagirker a Tirk bi balafirên bêmirov û biçek li gundê Bîgdadê yê bajarokê Kanîmasî bombe barandibûn.
Di encama vê êrîşa hewayî de welatiyê bi navê Silêman Mele Şêxo birîndar bûbû û zirareke mezin gihîştibû mal û milkên gundiyan.
Silêman Mele Şêxo yê dihate dermankirin di 20’ê Mijdarê de ji hêla hêzên PDK’ê ve hat girtin.
Hêzên PDK’ê rê nedan ku Silêman Şêxo bê dermankirin û yekser avêtin zindanê.
Piştî girtinê û şûn ve ti agahî ji Silêman Mele Şêxo nehat girtin.
Derbarê girtin û zîndanîkirinê de PDK agahiyan nade malbata wî.
Ji welatiyên herema Kanî Masî mamosteyekî ku nexwest navê xwe bide li ser mijarê wiha axivî:
PDK bi van pêkanînên xwe pîlana dewleta Tirk temam dike. Li şûna ku li ber êrişkaran rabe, sivîlên bêsûc û bêguneh ku birînawan nehatiye derman kirin digre. Em dizanin ku dewleta Tirk tevahî saziyên PDK’ê bi rê ve dibe.
PDK li himber van emelên dewleta tirk bê helweste û gelê me zerarê ji vê tifaqa bi dijmin re dibîne.