Di wextanê peyên de, Şirnexe de ro welatijan zey serranê 90`ine, zext pêk yenê .
Dewleta tirk ro welatijan gêrenê û ajantî ferz kenê.
Hemseroka Rayvistina HDP ya qezaya Cizîr no derheq de qisey kerd û vat:
“Dewlet himbazê ma û malbatan baş şinasnenê û bi zanayîşî înan gêrenê. Ney kesan bi taybet amey weçînayîş. ”
Şirnexe de polîtîkayanê taybet ey dewleta tirke dekewtê dewre.
Di rojanê peyên de, kesîy ke xo zey “îstîxbarat” danê şinasnayîş, rayirber û endamanê HDP û welatijan gêrenê û bi tehdît reyde ajantî ro înan ferz kenê.
Ame zanayene ke, bi pêroyî 2 hezarîy malbatîy ke domananê înan tewrê têgêrayîşê azadîya Kurdistanî bîye, hetê ney kesan ra amey tehdîtkerdene.
Hemseroka Rayvistina HDP ya qezaya Cizîr ya Şirnexe Guler Tunç derheqê mijare de qisey kerd.
Guler da zanayene ke, herême de kerdeneyê teber-qanûnî dekewtê dewrê û wina vat:
“Malbatanê şehîdan û ey ke tewrê têgêrayîşê azadîye bîye, gêrenê. Malbatan rê vanê ‘Ma wazenê bi şima reyde sohbet bikerê.’
Malbatîy ney kesan ra aciz ê û nêrazîbîyîş verva ney kesan nawnenê. Reyna malbatîy ke nêwazenê ney kesan reyde qisey bikerê rê vanê ‘Îfadeye şima esto, lazimo şima bêrê’.
Ey ke şonê emnîyetî zî raştê heman persan yenê. Û vanê, domananê xo ra vacê wa apey ageyrê.”
Guler Tunçe vat:
“Înan himbazê ma û malbatan baş şinasnenê û bi zanayîşî înan gêrenê. Ney kesan bi taybet amey weçînayîş. ”
Endamê Meclîsa Şaredarîya Cizîr ya HDP Nîmet Akalin zî da zanayene ke, ney kesan ci sero zî ajantî ferz kerdîy û wina vat:
“No perçeyêke polîtîkayanê dewlete ra yo. Înan min ra malbatan zî pers kerdîy û min ra vatîy “Ti malbatanê kesî ke şinê koyan ser naskenê, ti eşkenê nameye çend malbatan bidê ma? Heke çîyêk to rê lazim bibo, ma eşkena hedkarî bidê to”.
Nîmet da zanayene ke, o no teklîfe îstîxbaratî redd kerdo û vat:
“Lazimîya ma bi hedkarîya înan çinyo. Kêfa ma bi HDP yeno. Ma do ti dore game apey nêerzê. Ma serê xo çewt nêkenê û tekoşîna ma dewam kena.”
