TÊKÇÛNA DEWLETA TIRK LI GARÊ
DÎMENEK JI GARÊ… DEMA GERÎLA BI ÇEKÊN FERDÎ DERBÊ LI HELÎKOPTERÊ DIXE
10’ê Sibatê artêşa dewleta Tirk li dijî Garê dest bi êrişeke berfireh a ji bo dagirkirinê kir.
Gerîlayên HPG û YJA-Starê bi fermandariya Şoreş Beytuşşebap 4 rojan li bin dehan balafirên keşfê, balafirên şer, helîkopterên êrişê û veguhestinê, şerekî giran kirin.
Fermandariya Biryargeha Navendî ya Parastina Gel bi daxuyaniyekê ragihandibû, ku di vî şerî de 37 kuştî û bi dehan birîndarên artêşa Tirk hatine tespîtkirin.
Her wiha hatibû parvekirin, ku gerîlayan du rojan li ser hev nehiştine helîkopter dakevin qada Siyanê û derb li wan dane.
Di nava vî şerê giran de gerîlayên HPG û YJA-Starê ji bo çend kêliyan be jî ev yek qeyd kirin.
Dîmenê li ser ekranên we ji herêma Garê ne.
Gerîlayên HPG û YJA-Starê nahêlin du helîkopterên êrişê xwe li qadê deynin û êrişan bikin.
Derbê li helîkopterekê didin û ew helîkopter ji qadê vedikişe.
Ji ber vê yekê helîkoptereke din jî bi hawara helîkoptera derb xwarî ve tê.
Ev jî dîmenekî din ê ji heman qadê ye.
Helîkoptera êrişê dixwaze êrişî gerîlayan bike.
Ew jî bersiva xwe digire û gerîla derbê lê dixin.