Endamê Komîteya Rayirbere ya PKK yî Dûran Kalkanî, komploya mîyanetewî, mexsedanê komplo û Hemleya newîye ya KCK sero ANF rê qisey kerdbi.
Kalkanî vat; Komplo ewro nameyê hêzanê hegemonîkan sero bi destê AKP-MHP yena domnayişî û mexsedê hemleya KCK ya newîye zî rijnayişê ney îqtîdarî û Azadîya Rayver Apoyî yo.
Endamê Komîteya Rayirbere ya PKK’yî Dûran Kalkanî, mijaranê komploya Mîyanetewî, rewşa ewroyî û hemeleya newîye ya KCK yî sero ANF rê qisey kerd.
Kalkanî derheqê komploya mîyanetewî ya verva Rayver Apoyî de nêy vatîy.
Di komploya verva Rayver Apoyî de, Emrîka xeylê dewlet, rayvistin û kesayetîy bi kar ardîy. Dewleta Tirke û hikumatê aye tenê zê hetkarêka plane, amey bikarardene. Badê komplo heme îqtîdar û rayirberîya tirkîya bi goreyê raştîya komplo amey dîzaynkerdene.
Duran Kalkanî vat;
“Gere nêro vîrîrakerdiş ke, îqtîdarê AKP-Erodoganî,hetê Emrîka ra seba rayirberdiş û domnayişê komplo, ameyo guredarkerdiş.Hêza ke ewro zî ney îqtîdarî lingan sero vindarnena. Emrîka û sermayeya gerdûnî ya mîyanetewîye ya. Tifaqê AKP-MHP zî, bi merîfetê Erdogan û Bahçelî nê, bi telîmatê nêy hêzan, seba domnayişê komplo, ameyo awankerdene”.
Kalkanî derheqê fatûreyê na komplo ya şaranê tirkîya de zî nêy vatîy.
Verva Komplo di serre de Rayver Apoyî, Şar Kurdî û Têgêrayişê Azadîye tekoşînêka pîle da û komplo têk berde. Di na tekoşîne de, şarê Kurdî şaranê Tirkîya û Rochelatê Mîyanênî, bedêlêy pîllîy day. Dewleta tirke bîy dewletêka çeteyan. Pergale amî serobinkerdiş.Verva Rochelatê Mîyanênî, mudaxele ame kerdene û ewro bîyo navenda şerrê 3’ine yê Cîhanî.
Kalkanî vat;
Verva polîtîkayanê xapênayişî êy AKP, êy di bin nameyê biratîya ometî, Rayver Apoyî paradîgmaya Konfederalîzmê demokratîkî aver viste.Bi na paradîgma, vernîye ro komploye amî girotiş û polîtîkayê AKP amey pûçkerdene.
Dûran Kalkanî wina dewam kerd.
“Senî ke bi komploya 9’ê Citmenga 1998’ine, hêzanê hegemonîkan Rayver Apo Sûrîya ra vet, 21 serrîy dime ra zî 9’ê Citmenga 2019’ine de, bi destûrê heman hêzan, êrîşê verva Girê Spî û Serêkanîye ame destpêkerdene. Her çende îşgalkere Dewleta tirke bî zî, peyperdeyê ney îşgalî Emrîka û Rûsîya “.
Dûran Kalkanî vatiş ard Hemleya KCK ser û wina dewam kerd.
Na hemeleye, hemeleya rijnayişê faşîzmê AKP-MHP û bi temamî eştişê sergoyê tarîxî, yê komploya mîyanetewî ya. Mexsed, şikitişê Pergala Tecrîdê û vernîgirotişê ro îşgalî yo. Di serragêrayîya 23’ine ya Komplo de, bi tekoşîna Têgêrayişê Azadîye, Şarê Kurdî û heme dostan û dormeyê şoreşger û demokratan, hedefa ma na ya. No mexsed zî bi şîarê ” Tecrîd, Faşîzm û Îşgalkerîye rê Nê, Wextê Azadîye yo”, ameyo şênberkerdene.
Kalkanî vatişê xo wina bi peynî kerdîy. Gureyê ma biservistişê na hemleye yo. Ma do bi tekoşînêka bihêze xo ver bidê û teqez bi ser bikewê.
