Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Analîz Nûçeyên Dawî Sîyasî Siyasî

Duran Kalkan Komploya 15’ê Sibatê dinirxîne

 

Endamê Komîteya Rêveber a PKK’ê Dûran Kalkan, têkoşîna li dijî komploya navnetewî destnîşan dike û dibêje;

Em ê li dijî komploya navneteweyî û tecrîdê dest bi pêngaveke berfireh a berxwedanê bikin.

Dûran Kalkan biryara dadgeha bilind a Belçîkayê jî dinirxîne…

ENDAMÊ KOMÎTEYA RÊVEBER A PKK’Ê DÛRAN KALKAN:

EM Ê LI DIJÎ KOMPLOYÊ DEST BI PÊNGAVEKE BERFIREH BIKIN

Dûran Kalkan diyar dike ku di sala 22’yan a têkoşîna li dijî komployê û tecrîdê de ew pêngaveke berfireh a berxwedanê diafirînin.

“Em ê vê yekê gav bi gav li her qadê berbiçav bikin û bi rêbazên afirîner bimeşînin. Em ê sîstema tecrîdê ya Îmraliyê bişikînin û di sala 22’yan de hîn bi xurtî komployê têk bibin. Armanc û biryardariya me li ser vê bingehê ye.”

Endamê Komîteya Rêveber a PKK’ê diyar dike ku ji bo vê jî ew ê li Bakur, Başûr û Rojava, ji bo hilweşandina faşîzma AKP-MHP’ê dest bi berxwedaneke topyekûn a piralî bikin.

Ji bo vê yekê jî Dûran Kalkan vê bangê dike;

“Divê her kes têkoşîna li dijî êşkenceya li Îmraliyê û sîstema tecrîdê weke têkoşîna xwe, weke şertê jiyana demokratîk û azad bibîne û xwedî lê derkeve. Bi her şêweyên çalakiyan divê hişmendî û siyaseta komployê were mehkûmkirin, nîşan bidin ku ew naxwazin bi komployê re bijîn. Sekneke bi vî rengî wê teqez rê li ber serketinê veke.”

ENDAMÊ KOMÎTEYA RÊVEBER A PKK’Ê DÛRAN KALKAN:

BIRYARA BELÇÎKAYÊ MEHKÛMKIRINA KOMPLOYA NAVNETEWEYÎ YE

Dûran Kalkan biryara dadgeha bilind a Belçîkayê û bandora wê li ser komploya navnetewî jî nirxand.

Endamê Komîteya Rêveber a PKK’ê, biryara dadgeriya Belçîkayê wekî mehkûmkirina Komploya Navneteweyî destnîşan kir û sedema wê jî wiha rawe kir;

“Ji ber ku tevahiya êrişên komploger ên li dijî Rêber Apo xwe dispêrin ‘avakar û rêveberê rêxistina terorê’. Di vir de mebesta wan ji ‘rêxistina terorê’ PKK ye. 21 sal in li ser vê bingehê êrişê dibin ser Rêber Apo. Ev biryar sparteyên êrişên li dijî Rêber Apo hemûyan dirizîne, sûcdariyan pûç dike. Lewma komploya navneteweyî mehkûm dike.”

 

Ev jî hatin dîtin

Tûrgût ê ji helîkopterê hate avêtin jiyana xwe ji dest da 30.09.2020

Stêrk Tv

Rojnamevan Çinar Goktaş ji Heftanînê rewşa dawî ragihand 29.09.2020

Stêrk Tv

Koma Agirî bi stran û klîba “Şewqa Rojê” pêngava `Dem Dema Azadiyê ye` silav dike 29.09.2020

Stêrk Tv

Balafirên şer ên dewleta Tirk a dagirker herêma Behdînan û Biradostê bombebaran kirin 29.09.2020

Stêrk Tv

Reuters: Tirkiyê çekdarên ji Sûrî şandine Azerbaycanê 29.09.2020

Stêrk Tv

Ji bo azadiya Rêber Apo û silavkirina pêngava KCK`ê ya `Dem Dema Azadiyê ye` li pêşiya meclîsa federal a Almanyayê civîna çapemeniyê pêk hat 29.09.2020

Stêrk Tv
× Me agahdar bikin!