EBDULXALIQ EZAWÎ:
BELGEYEK NÎNE KU HEBÛNA PKK’Ê LI ŞENGALÊ ÎSPAT BIKE
Endamê Lijneya Asayîş û Parastinê ya Parlamentoya Iraqê Ebulxaliq Ezawî li ser gefên dewleta tirk ên li ser Şengalê ji televziyona “Bexdalîwim” axifî.
Ezawî ragihand ku ew hertim alîgirên diyalogêne û got:
“Iraq ji bo çareseriya pirsgirêkan rêyên dîplomasî û diyalogan bikartîne.
Lê divê welatên derve jî bizanin, Iraq dev ji maf û serweriya xwe bernade, bêparastin nemîne.”
Ezawî balkêşa ser gefên dewleta Tirk yên li ser Şengalê jî û wiha axifî;
“Hatina eskerên Tirk ya nav Şengalê wê nerazîbunên mezin bi xwere bîne.”
Di dawiya axaftina xwe de Ezawî li ser îdîayên dewleta tirk ên PKK li herêmê heye jî got:
“Li ber destê me belgeyek nîne ku hebûna PKK’ê li Şengalê îspat bike.”