Eskerê dewleta tirk ya îşgalkere, Kurdistane de hovîtîya xo domnenê.
Qezaya Ebex ya Wanî de, di encama gulevaranî eskeranê delweta tirke de, şiwanêk dirbetin bi.
Qewimyayîş dewa Davan ya qezaya Ebaxa Wanî de pêk ame.
Bi gorey zanayîşan, şiwano bi name Orhan Hanay pey pesê mêşinê xo ke vînî bîy de şi.
Cayo ke mêşinan vindenê zî baregeha eskerî yo.
Eskerê artêşa tirk ya îşgalkere guley ro şiwan varnay.
Şiwan Orhan Hanay zî dirbetin bi.
Birayê Orhan, Mustafa Hanay derheqê qewimyayîşî de qisey kerd û ney vatîy:
“Pesê mêşina ma her tim cayê sînor de manenê. Wexto ke nînê, ma şinê înan ane.
Birayê min zî seba ke înan bîyaro, şi wêra.
Ekeran guley ro birayê min varnay û qorika ci ra dirbetin kerdîy.
Birayî min bi awayoke dirbetin bi xo şîyo dewa Kaşime û ûca ra hewanya nêweşxane.”