Endamê Komîteya Rayirbere ya PKK yî Dûran Kalkanî, Televîzyonê Medya Habere bi.
Kalkanî hemleya KCK ya bo sloganê ” Tecrîd,Faşîzm û îşgalkerîye rê nê, Wextê Azadîye yo” û mijaranê rojdeme sero qisey kerd.
Kalkanî hemleya KCK zê hemleyêka serkewtişî ya verva bereya faşîste, ya AKP-MHP kerde û Kurdistanijan ra waşt ke tewrê hemleye bibê.
Endamê Komîteya Rayirbere ya PKK yî Dûran Kalkanî di bernameyê Ulkeden yê Televîzyonê Medya Habere de, Hemleya KCK ya bi şîarê ” Tecrîd,Faşîzm û Îşgalkerîye rê nê, Wextê Azadîye yo” sero qisey kerd.
Kalkanî bale ante faşîzmê AKP-MHP ser û vat,
Heme cayan de faşîzmî vila kenê.AKP-MHP û Ergenekonî îtîfaq kerdo û faşîzmî bi sazûmanî kenê û faşîzmê xo resnayo asta tewir berze. Mexsedê hemleya ma zî rijnayiş û têkberdişê ney faşîzmî yo.
Kalkanî îqtîdarê AKP-MHP zê şopdarê derrbekaranê 12’ê Îlone bi name kerd û vat;
Îdeolojîyê faşîzmê 12’ê Îlone xeta Tirk-Îslamî bî.
La xoverdêrîya zîndanê Amede xeta înan têk berde. Nika zî do na hemleya ke, KCK daya desstpêkerdene faşîzmê AKP-MHP têk bero.
Dûran Kalkanî wina dewam kerd.
Hemleya KCK xo arznena ra xeta xoverdêrîya Amede û hemleya Gêrîllayî ya 15’ê Tebaxe.
Na hemleya serkewtiş û moralî ya. Azadîya Rayver Apoyî û cuwîyeyo azad, bi şikitişê pergala Îmralî, rijnayişê faşîzmî û têkberdişê îşgalkerîye pêkan o.
Endamê Komîteya Rayirbere ya PKK yî Dûran Kalkanî, hemkarîya PDK ya bi dewleta tirke reyde zî rexne kerde û wina vat;
Ma veng ro PDK kerd.
Ma waş hêzêy PDK zî verva îşgalkerîye di kişta xoverdêrîye de ca bigerê. La ma vînenê ke di kişta dewleta tirke ya îşgalkere de ca genê.
Dûran Kalkanî dişmentîya dewleta tirke ya verva Kurdan sero zî nêy ardîy ziwan.
Estbîyişê ma zê sebebê îşgalkerîya xo nîşan danê.
La na zûrêka pîle ya. Qey rewşa Efrîn û Serêkanîye nîn dîyiş. Qedera heme perçeyanê Kurdistanî yew a û pêrabeste ya.
Senî perçeyêke seba perçeyêkê bînî verkêşê îşgalkeran yeno kerdiş. Kurdîtî û welatpawêrî kam cayê naye de ya?
Endamê Komîteya Rayirbere ya PKK yî Dûran Kalkanî yewîtîya netewî sero zî nêy vatîy.
Bi îşgalkeran reyde hemkarî û tifaq nêbeno. Bi tu awayî zê helwestêka raşte, nîna dîyiş.
Tu kes nêşikeno rewşêka winayine bipawo.
Dewleta tirke têkşîyişî verde ya. Hewceyî bi yewîtîya Netewî est a. Wa hêzêy Kurdan kom bibê û kongreyêka netewî ro dar bifînê.
Ma zê PKK yî naye rê hedreyê û çi keweno milanê ma ser ma do bikerê.
