Endamê Komîteya Zîndanan ya PKK yî Pîro Dersimî Radyoyê Dengê Welatî rê qisey kerd.
Pîro Dersimî vat; Heta ke ma biresê hedefanê xo do hemleya newîye ya KCK ya ” Wext wextê azadîyeyo”, dewam bikero.
Eendamê Komîteya Zîndanan ya PKK’yî Pîro Dersim, tewrê bernameyê taybetî yê Radîyoyê Dengê Welatî bi û cewabê persanê Kawa Merwanî da.
Dersim Pîroyî di serre de xoverdêrîya destanî ya Rayver Apoyî ya Îmralî û heme zîndanan silam kerde û wina dewam kerd.
Faşîzmê dewleta tirke di şexsê AKP-MHP de verva şarê Kurdî polîtîkayanê îmha û qirkerdişî bi awayêko tewir hov domneno.
Pîro Dersimî vat;
Dewleta tirke zanena, hereketo ke tirkîya û Rochelatê Mîyanênî demokratîk bikero, tenê PKK yo.
Bi no sebeb zî êrîşan giran kena û wazena PKK yî tasfîye bikero.
Dersim Pîroyî derheqê hemleya newîye ya KCK ya bi şîarê ” Tecrîd, Faşîzm û Îşgalkerîye tê nê, Wext Wextê Azadîye yo”,de zî nêy vatîy.
“Na hemleye, hemleyêka serkewtişî ya û xêncî naye zî rayirêka bîne çîn ya. Bi no sebeb, gere bi heme îmkan û derfetan, na hemleye sero bêro vindertiş.
Di pey na hemleye de cerebnayişê 40 serran, êy hereketê azadîye est ê.
Yewîn hêza çareserkerdişê persgirayanê Rochelatê Mîyanênî, paradîgmaya Rayver Apoyî ya. Bi no sebeb, serkewtişê na hemleye nîno nîqaşkerdene. Heke hemleye bi awayêko raşt bêro destgirotene, do faşîzmê dewleta tirke, di wextêko kilm de birijîyo û şêro sergoyê tarîxî”
Endamê Komîteya Zîndanan yê PKK’yî Pîro Dersimî derheqê rolê zîndanan yê hemleye de zî nêy ardîy ziwan.
“Miheqeq na pêvajoyêka tekoşîna topyekûn a. Seba biserkewtişê hemleye, do heme qadîy tewrê tekoşîne bibê. Di no derbar de pratîkêkê ma yê 40 serran, êy zîndanan zî est o. Do rayhevalê ma êy zîndana zî mîyanê xo de qerarê naye bidê û badê plansazîyan bifînê merîyete”.
Pîro Dersimî derheqê zextanê verva giroteyan de zî vat:
Ma heta nika verva prsonelanê zîndanan helwestêka xirabe nîşan nêdaya la gere her kes bizano ke giroteyê zîndanan bêwayirîy nîyê. Gere her kes aqilê xo bigero serreyê xo.
Endamê Komîteya Zîndana ya PKK yî Pîro dersimî di peynî de veng ro heme hêzanê tekoşîne kerd û vat;
Roce roca tewerbîyişê hemleye û seba biserkewtişî berzkerdişê tekoşîne û xoverdêrîye ya.
