Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Endamê Konseya Rayirbere ya KCKyî Mûstafa Karasu tewrê bernameyê Ulkeden bi 29.09.2020

 

 

Endamê Konseya Rayirbere ya KCK’yî Mustafa Karasû tewrê bernameyê “Ulkenden” yê Medya Habere bi û mijaranê rojdeme sero qisey kerd.

Dewleta tirke seba ke nêşikena îradeyê şarê Kurdî bişikno, êrîş kena û heyfa têkşîyişê DAÎŞ’î gena.

Endamê Konseya Rayirbere ya KCK yî Mûstafa Karasûyî di bernameyê Ulkeden yê Medya Habere de, qisey kerd.

Karasûyî derheqê êrîşanê verva HDP de nêy vatîy.

“Dewleta tirke wazena heyfa têkîyişê DAÎŞ’î bigero. Di na mijare de çalakîyê 6-8’ê Citmenge zaf muhîmîy bîy. Seba ke nêy çalakîy bêrê
vindarnayiş bi Rayver Apoyî reyde pêdîyişîy pêk ardîy. Nika zî bi no sebeb, HDP’yijan genê. La ya raştîne hedefa înan tasfîyekerdişê HDP yo”.

Karasûyî wina dewam kerd.

Seba ke nêşikenê HDP teslîm bigerê, êrîş kenê. Gere Şar ro projeyanê HDP wayir bivecîyo. Ke wayirvecîyayiş est bo, nêy projey bi mehne benê.Ganî tu kes pawoka girewtişê xo nêmano û di mîyanê tekoşîne de ca bigero.

Mûstafa Karasûyî vatiş ard hemkarîya PDK û dewleta Tirke ser û vat.

Heta ke verva polîtîkayanê PDK êy bi dewleta tirke reyde helwestêka verbiçime pêk nêro,do verva îşgalkerîye tekoşînêka raşte nêkewo merîyete.

“PDK bi nêy polîtîkayanê xo bena şirîkê qirkerdişê Şarê Kurdî. Nika sînoranê Rojavayî sero xendeqan kenena û îstîxbarat kom kena. Wazena Şoreşa Rojavayî têk bero. Na helwestêka kurdeware nîya”.

ENDAMÊ KONSEYA RAYIRBERE YA KCK’YÎ MÛSTAFA KARASÛ:
GERE MA DERFETANÊ 4 PERÇEYANÊ KURDISTANÎ BIKERÊ YEW Û TEKOŞÎNE BERZ BIKERÊ

Karasûyî vatiş ard hemeleya KCK ya “Tecrîd, Faşîzm û Îşgalkerîye rê Nê, Wextê Azadîye yo” ser û vat.

Na hemleye seba çar perçeyanê Kurdistanî ameya plankerdiş û wina dewam kerd

“Desthelatdarê Kurdistanî di wextê xo yê tewir qelsî de yê. Wext wextê têkberdişê na îşgalkerîye yo. Gere seba naye, derfetêy çar perçeyanê Kurdistanî bêrê yewkerdiş û tekoşîne bêro dayiş”.

Karasûyî vat; Şaro Kurd û hêzê demokrasîyî ro hemeleye wayir vecîyay û wina dewam kerd.

“Ya raşte şarêy Rochelatê Mîyanênî ro na hemleya wayir vecîyay. Ma naye vînenê. Heta ke îşgalkerîy nêrê têkberdiş û faşîzm nêro rijnayiş, Kurdîy nêşikenê tu perçeyêkê Kurdistanî de, cuwîyeyêko azad û demokratîk bi dest bibînê”

Karasûyî bale ante ro ser helwesta sendîkayanê Îngilîstanî û nêy vatîy.

“Ewro Sendîkayê Îngilîstanî azadîya Rayver Apoyî wazenê. Bi na heşmendîye ger her kes tewrê bername û çalakîyanê 10’ê Citmenge yê Roca Azadîya Rayver Apoyî ya Chîanî bibo. Zîhnîyeto ke Rayver Apoyî di zîndan de geno, zîhnîyeto qirker o. No zîhnîyet Kurd û Kurdistanî çinê hesebneno”.

Karasûyî rolê cînî û ciwanan yo di hemeleye de sero zî nêy vatîy.

Cînîy hêza şoreşgere êy Cîhanî yê. O ke tewir zaf hêze dano cînîyan zî Rayver Apo yo. Seba naye ma zanenê ke do cînîy bi hêzêka pîle tewrê hemleye bibê. Reyna do ciwanîy bibê verkêşê na hemleye.

Endamê Konseya Rayirbere ya KCK yî Mûstafa Karasûyî, derheqê tekoşîna gêrîllayî de zî wina vat.

Gêrîllayî cuwîyeyê xo orte de ronayo û bi awayêko fedayî xo ver dano.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv