Endamê Konseya Rayirbere ya KCK yî Sabrî Ok tewrê bernameyê Rojeva Welat yê Stêrk tv bi û mijaranê rojdeme sero qisey kerd.
Okî vat; Bi wesîleya “10’ê Citmenge Roca Azadîya Rayver Apoyî ya Dinya”,Şarê ma û dostîy heme cayan de ro Rayver Apoyî wayir vecîyay.
Endamê Konseya Rayirbere ya KCK’yî Sabrî Ok, tewrê bernameyê Rojeva Welat yê Stêrk Tv bi û mijaranê rojdeme sero qisey kerd.
Sabrî Okî di destêka qiseykerdişş de, di şexsê Fermandarê Herema Botane Egîd Civyanî de heme şehîdê azadîye bi vîr ardîy û vatiş ard çalakîyanê 10’ê Citmenge êy” Roca Azadîya Rayver Apoyî ya Dinya” ser.
Okî vat:
Şarê ma çar perçeyanê Kurdistanî, Ewropa û hemeyê dinya de vecîya meydanan.
Bi taybetî zî çar perçeyanê Kurdistanî de helwesta xo dîyar kerde.
Şarê ma bi na helwesta xo dorêka bîne qerardarîya xo nîşan da û ro Rayver Apoyî wayir vecîya.
Reyna hemeyê Ewropa û dinya de bi dostan reyde heman helweste, qerardarî û wayirvecîyayiş amey nîşandayene.
ENDAMÊ KONSEYA RAYIRBERE YA KCK’YÎ SABRI OK
“HUMUMATÊ VAŞÛRÎ DESTÛR NÊDA ÇALAKÎYANÊ 10’Ê CITMENGE”
Sabrî Okî derheqê helwesta Hikumatê Vaşûrî yê qedexekerdişê çalakîyanê 10’ê Citmenge vistîy vîrî û nêy vatîy.
Xeylê metropolanê Tirkîyade, rixmê faşîzmê AKP-MHP û heme zextan, çalakîy amey rodarvistene la Hewlêre Vaşûr û Behdînan de destûr nêda çalakîyan.
Vaşûrê Kurdistanî de hetê hikumatê hereme ra qedexekerdişê çalakîyan hewestêka raşte nîya û nîna qebûlkerdene.
ENDAMÊ KONSEYA RAYIRBERE YA KCK’YÎ SABRI OK
“BI AWAYÊKO HIQÛQÎ BINKEYÊKA NÊY QEDEDEXEYAN ÇÎN YA”
Endamê Konseya Rayirbere ya KCK yî derhqê tecrîdê Îmralî yê verva Rayver Apoyî û qedexeyanê pawitox û telefonî de zî nêy vatîy.
Tu binkeyêka hiqûqî ya nêy qedexeyan çîn ya. Pêdîyişê telefonî xora nîyameyê pêkardene.
Nêy kerdeneyanê dewleta tirke sero qiseykerdiş zî hewce nêkeno.
Seba ke heme çîyê înan zûr ê û dek û dolab ê.
Gere verva nînan bertek û nêrazîbîyişêy ke hewce kenê bêrê nîşandayiş.
Sabrî Okî di qiseykerdişê xo de vatiş ard peymana maberê PDK û hikumatê Bexda ya derheqê Şengale de û nêy vatîy.
Di serre de na peymane, peymanêka exlaqî nîya.
Şima do bêke şarê Şengale ra pers bikerê û fikrê înan bigerê, derheqê ameyîya înan de peymane virazê.
Bêyî naskerdişê îradeyê Şarê Êzîdî şima do qeraran bidê. Exlaq di çiyê na helweste de est o.
Şima wexto ke hewce kerdê verpersîyarîyê xo pêk nîyardî. Êzîdî bi wehşetê DAÎŞ’î reyde ribiri verday.
Qet nêbo nika exlaqî têbigeyrê û verpersîyarîyanê xo bi ca bîyarê. Îradeyê civatê Êzîdî qebûl bikerê.
Ma, paştîye danê eşkerayîya Meclîsa Xosere ya Şengale, ke vatbi ” Di qeraranêy ke ma tede nêyê qebûl nêkenê”.
Ma na eşkerayî di cayî de vînenê û tewer benê.
