Hemseroka Pêroyî ya ÎHD Eren Keskîne, derheqê tecrîdê ro ser Rayver Ocalanî de qisey kerd.
Eren Keskîne vat; Tecrîd persgiraya Kurde ra cîya nîyo, gere dewleta tirke hiqûqê xo bi ca bîyaro û bi goreyê peymananê mîyanetewî ke îmza kerdê tê bigeyro.
HEMSEROKA PÊROYÎ YA ÎHD EREN KESKÎNE:
“TECRÎD, BI ÇARESERNÊBÎYIŞÊ PERSGIRAYA KURDE REYDE GIRÊDAYEYO”
Hemseroka Pêroyî ya ÎHD Eren Keskîne, derheqê tecrîdê ro ser Rayver Apoyî de qisey kerd.
Pergala Îmralî, roca ke Birêza Adûllah Ocalan ameyo oca ra na heta pergalêka teberhiqûqî ya.
Na pergale polîtîkayanê derheqê persgiraya Kurde ra cîya nîya. Bi goreyê nêy polîtîkayan rewşa Îmralî zî vûrîyena.
Keskîne vat;
Di hiqûq zerreyî û hiqûqê gerdûnî, de heqê giroteyan dîyar ê.
Nêy heqîy bi goreyê kesan ra nêbedelîyenê.
La na raybaza binkeyîne ya hiqûqî, seba Birêz Ocalan û giroteyê bînan ke Îmralî de yê, nîna bikarardene.
HEMSEROKA PÊROYÎ YA ÎHD EREN KESKÎNE:
“ÎMARALÎ DE MEKANÎZMAYÊKA KE NÎNA EŞKERAKERDENE EST A”
dosya rastarast imrali f333–400
dîmen îmralî……
Îmralî de mekanîzmayêka cîya est a û na mekanîzma ra kam verpersîyaro zî dîyar nîyo.
Na mekanîzma bi awayêko şênber, bi tu awayî nîna eşkerakerdene zî.
Bi vatişêko kilm Îmralî de pergalêka teber hiqûqê tirkîya û peymananê mîyanetewî yena rayirberdene
Eren keskîne vatiş ard Mehkemaya Heqanê Merdiman ya Ewropa ser û vat;
HEMSEROKA PÊROYÎ YA ÎHD EREN KESKÎNE:
“AÎHM, HEQANÊ MERDIMAN ZAFÊRÎ BI GOREYÊ MENFÎETANÊ DEWLETAN TÊGEYRENA”
Mehkemaya Heqanê Merdiman zî heqanê merdiman zafêrî bi goreyê menfîetanê dewletan têgeyrena û ameyişê
Serokê Mehkema yê tirkîya zê nimûneyî nîşan da.
Eren Keskîne vat; Pergala Îmralî û tecrîd, giredayeyê polîtîkayanê înkar û zextan êy persgiraya kurde yê.
Zê hiqûqnasêke ez wazena vaca gere Komara Tirke, bi goreyê hiqûqê xo peymananê mîyanetewî ke îmza kerdê tê bigeyro.
Rayver Ocalan 21 serrîy o di bin tecrîdî de yo. Tewir peynî badê 8 serran 2-22’yê Gulane, 12-18’ê Hezîrane û 7’ê Tebaxa 2019’ine de bi pawitoxanê xo reyde pêdîyiş pêk ardbi. A ra na heta heme serreperodayişê pawitoxan û malbate bê cewab yenê verdayene.
