Colemêrge de ciwanêk ame înfazkerdene..
Eskeranê Dewleta Tirke Bajaroka Robaroke de Ciwana 16 Sere Ozcan Erbaş înfaz kerd.
HOVÎTÎYA ARTÊŞA TIRKE YA VERVA KURDAN
ESKERAN COLEMÊRGE DE CIWANO KURD OZCAN ERBAŞ ÎNFAZ KERD
Ajansa Mezepotamya xebara kiştişê Ciwano 16 serreyî Ozcan Erbaşî vizîrî seet 3’ê de bi lezîn eşkera kerd..
Goreyê xebera ajansera eskeranê artêşa tirke bajaroka Robaroka Şemzînana Colemêrge de guley ro ciwanî reşînay.
Bi reşênayişê guleyanê eskeranê artêşa îşgalkere Ciwano 16 serre Ozcan Erbaşî cuwîyeya xo vinî kerd..
Apê ciwanî Sabrî Erbaşî da zanayişî ke ey bi malbatîy semedê arêdayişê belûyan şîy mîyanê daristanan û vat:
Ma semedê arêdayişê peluyan şîy berihê dewe.
Qereqola Mamreşanî û ya Gerdinî guley ro hereme ro reşênay.
Ma texmîn kerdeke merdimê ma ameyê birîndarkerdiş.
Ma verbi merdimanê xo şîy,la eskeranê artêşa tirke vernîro ma girewt.
Eskeranê Artêşa Tirke nêverda ma ro birîndaranê xo rê wahartî bikeri.
La min badî birarzayê xo Ozcan girewt paştîya xo û min ard heta serê raharîy.
Tenî guleyêk ginabi paştîya Ozcanî ro. Ma Ozcan semedê otopsîye berd nêweşxaneyê Colemêrge.
Wekîlê HDP yê Colemêrge Saît Dedeyî derheqê înfaz kerdişê Ciwanî de hesabê xo yê twîtterê sero ney barî kerdîy.
“Reyna ciwanêko kurd, reyna înfazêko bê ujdan. Eyro eskeran Ozcan Erbaşo 16 serre kişt. Ma zanenê ko do kiştoxî bi zirxê bêcezaverdişî bêrê pawitene. La se serrî zî derbaz bibo ma do hesabê Ozcanî bipersi.”