Heftanîn de verva artêşa tirke ya bi teknîkê averkewteyî yê se serre, xoverdêrîyêka bêsaloxe yena nîşandayenê.
Gêrîllayê Azadîye di nêy şerrê giranî de,derrbêy giranan ro artêşa tirke danê.
Nînan ra yewe zî gêrîllaya YJA Stare Evrîm Botane ya.
Evrîm Botane derheqê xoverdêrîya Heftanîne de qisey kerd.
Verva êrîşê îşgalkerîye ya dewleta tirke, Heftanîne de xoverdêrîyêka destanî yena dayene.
Artêşa dewleta tirke ke teknîkê tewir averkewteyî yê se serre bi kar ana, verva na xoverdêrîye, hereme de asê bîya û derrbêy giranan wena.
Gêrîllayanê Cenga Heftanîne ra Evrîm Botane derheqê na xoverdêrîya tarîxî de qisey kerd.
Evrîm Botane vat;
Merdim çendêke behsa na xoverdêrîye bikero zî, bes nêkeno.
Na xoverdêrîye bi vatiş nêşikena bêro, saloxdayene. Xoverdêrîyêka lehengî û fedayîtîye ya.
Bi taybetî zî xoverdêrî û vindertişê rayhevalêy cînîyan. Şerrê rayhevalê cînîyan şerrê fedayîtîye yê xeta Zîlane yo.
Her rayhevala ke tewrê şerrî bî, bi terrzêko bêsalox şerr kerd û xo ver da.
Di felsefeya ma de axa xo ra fek veradayiş çîn yo.
Ma rayhevalanê xo êy ma ra verî ra wina bonder bîy. Şehîdanê ma, no feraset zê mîrateyî, dewrê ma kerd.
Mexsedê ma, heta dalpaya peyêne ya gûnîya xo, qewernayişê dewleta îşgalkere, axa xo ra yo.
Gêrîllaya YJA Stare Evîrm Botane bale ante rih û vindertişê fedayî ya verva îşgalkeran ser û vatişê xo wina bi peynî kerdîy.
Rayheval Rustemî, bi çalakîya xo, xeta Bêrîtanan dorêka bîne nîşan da. Seba ke nêkewo destê dişmenî xo kelebeste ro eşt.
No rih, do nêverdo dişmen di axa ma de bi ca bibo.
Ma do bi rihê Zîlan û Bêrîtanan û bi felsefeya Rayver Apoyî, xoverdêrîya xo ya verva dişmenî zafêrî xurt û pîl bikerê û dişmenî axa xo ra biqewernê.
