Di çarçoveye hemleya “Wext wextê azadîue yo” ke KCK û KJK seba azadîya Rayver Apo û Kurdistanî dabî dest pê kerdene de, çalakîy yenê rodarvistene.
Şaro kurd vixêr Ewrupa de lingan sero bîye.
“WEXT WEXTÊ AZADÎYA RAYVER APOYÎ YO”
KURDISTANIJÎY EWRUPA DE SEBA AZADÎYA RAYVER APOYÎ MEYDANAN DE YÊ
- Seba azadîya Rayver Apoyî, aktîvîstanê Têgêrayîşê Ciwananê Şoreşgere herêma Drancy ya paytexta Fransa Parîsî de meş rodarvistîy.
Çalakîya ciwanan heta şaredarîya Drancy dewam kerd. - Herêma Villier la Belle ya Parîsî de zî heman saetan de aktîvîstanê TEKO-JIN û Têgêrayîşê Ciwananê Şoreşger meşek rodarvistîy.
Ciwanan dewleta tirke û tecrîdkerdişê Rayver Apoyî protesto kerd.Meşa ciwanan Navenda Civata Demokratîk ya Kurd ya Villier le Belle de bi mitîngen peynî bi. - Bajaranê Elmanya de zî çalakîy estbî.
Îtîya bajarê Kîel a.
Kurdistanijîy tecrîdkerdişê Rayver Apoyî şermezar kerdîy û xoverderîya zindanan silam kerdî. - Bajarê Saarbrucken de zî waşteka azadîta Rayver Apo ame kerdene.
Kurdistanijîy ke vernîya Europa Galerî kom bîy, bi pankart û alan bale ant tecrîdî ser. - Bi verkêşîya TEV-ÇAND bajarê Stuttgart de zî seba azadîya Rayver Apo çalakî ame rodarvistene.
Hunermendan di heman wextî de zî bale ante xoverderîya zindanan ser û raya pêroyî ra waştîy wa bikewê têgêrayîşî. - Bi verkêşîya Meclîsa Cinîyan ya Nuda, qada Synagoge Platz ya Freiburg de zî kurdistanijîy ameye têhet û tecrîdê Îmralî şermezar kerdîy.
- Bi heman mexsed Kuridstanijîy bajarê Franfurt zî meşek rodarvistîy.
Kurdistanijîy bajarnê Offenbach, Hananu, Giessen û Maînz zî tewrê çalakîye bîy.
Di çalakîye de peyame berzkerdişê xoverderîya ame dayene. - Bi vengdanê Têgêrayîşê Ciwananê Şoreşger û TEKO-JIN , bajarê Vîyana ya Avusturya de zî şar ameye pêhet.
Û tecrîdkerdişê Rayver Apo protesto kerdîy.
Di heman çalakî de sînevîzyoneke derheqê fikir û ramanê Rayver Apo û tekoşîna şaro Kurd ame nawitiş. - Kurdistnaijîy paytexta Swêd Stockholm de zî verva tecrîdî çalakîyeke rodarvistîy.
Di çalakîye de xoverderîya zindanan ey verva tecrîdî zî ame silamkerdene.
Reyna veng ro hêzê demokratîke û şoreşgere rê ame kerdene ke, paştîye bidê hemleya azadîye. - Bi verkêşîya Meclîsa Cinîyan ya Sevê û Navenda Civata Kurd ya Demokratîk, bajarê Kopenhag ya Danîmarka de çalakî ame rodarvistene.
Kurdistanijîy waşteka azadîya Rayver Apoyî kerdîy û dewleta tirke ya îşgalkere şermezar kerdîy.
