Endamê Konseya Qerargeha HPG Egîd Civyan Gevere de ame definkerdene.
Merasîmê definkerdişî de dewleta tirke reyna hovîtîya xo nîşan da û bi hezarn polîs û eskeran dormeye goristanî giret.
La verva heme zextan, Fermandar Egîd hetê malbate û dewican ra ame definkerdene.
Fermandar û Endamê Konseya Fermandarîya HPG Egîd Civyan-Vahdettîn Kara, aşmêke raver Çataxa Wanî de şehîd kewtbi,
Malbate vizêrî cenazeyê Fermandar Egîd Civyanê sazîya tibê edlî ya Wanî ra girewt û ard dewa Civyan ya Gevera Colemêrge.
Verîya ke cenaze bireso dewe dormeyê dewe û goristan hetê bi hezaran esker û polîsan ra ame dormekerdene.
Dewican û girseya ke waşt tewrê merasîmê cenazeyî bibo, hetê eskeran ra amey astengkerdiş.
Verva heme zextan malbate û dewican cenaze di bin ablûkaya esker û polîsan de defin kerd.
Endamê Konseya Fermandarîya HPG Egîd Civyan, 11’ê Îlone di şerrê maberê Gêrîllayan û Artêşa tirke de şehîd kewtbi.
Di ney şerrî de, badê şerr û bombevaranêkê giranî, Fermandar Egîd Civyanî û rayhevalanê xo verva qerargena navendî ya hêzanê dişmenî
operasîyon pêk ardbi.
Di operasîyon de, mîyan de yarbay û yuzbaşî zî, 5 payeberzîy 10 eskerê dişmenî amebîy kiştiş.
Badê operasîyonî bi helîkoptaran bombevaran amebi destpêkerdene.
Fermadar Egîd Civyan û 2 rayhevalêy xo di bombevaranê helîkopteran de şehîd kewtîbîy.
