Fermadarîya Qerargeha Navendî ya Pawitişê Şarî NPG, şehîdbîyişê Endamê Konseya Fermandarîya HPG Egîd Civyanî eşkera kerde.
Fermandarîya NPG di eşkerayîya xo de vat;
Raheval Egîd Civyan, bi vindertişê xo yê fedaî seba ma heminan, nimûneyê kede û fedekarîye bi.
Fermadarîya Qerargeha Navendî ya Pawitişê Şarî NPG, bi eşkerayîyêke, şehîdbîyişê,Endamê Konseya Fermandarîya HPG, Egîd Civyanî eşkera kerde.
Eşkerayîya HSM wina ya.
11’ê Îlone mentîqaya Masîro ya Çataxa Wanî de, maberê hêzanê ma û artêşa dişmenî de şerrêko giran qewemîya.
Di ney şerrî de, Endamê Konseya Fermandarîya HPG û Fermandarê Botane Egîd Civyan-Vahdettîn Karay,rayhevalê ey Canfeda Ggoyî-Tekîn Yildirim û Hebûn Girêspî- Xelîl Kavûs şehîd kewtîy.
Ma di serre de keyeyanê rayhevalanê ma, şarê Gevere û Botane, hêzanê gêrîlla û heme şarê Kurdî rê serweşîye wazenê û sozê xo yo ke dayo şehîdan,di şexsê nêy qehremanan de, dorêka bîne newe kenê.
Eşkerayî wina dewam kena.
Operasîyonê îşgallî êy 11’ê Îlone yê mentîqaya Masîro, zê heme wextan bi êrîşanê hewayî dest pê kerd.
Di ney êrîşî de hêzanê ma tu zayîatêke nêda.
Hêzê ma êy ke, şikayê qade ra bivecîyê, bin fermandarîya Rayheval Egîdî de, verva navenda kontrolî ya hêzanê îşgalkeran, bi rihêkê fedayî, operasîyon da destpêkerdene.
Di operasîyonî de 5 ci ra payeberzîy, tewir tay 10 eskerîy amey kiştene. Badê çalakîye, verva Fermandar Egîdî û rayhevalanê ey, bi helîkopteranê kobrayan bombevaranî dest pê kerd.
Bombevaran de rayheval Egîd, Canfeda û Hebûn şehîd bîy.
Kamîya rayhevalê ma Fermandar Egîd Civyanî wina ya;
Vahdettîn Karay. Bi nameyo naskerde Egîd Civyan. Colemêrge de daya xo ra bîyo. 11’ê Îlona 2020’ine de Botane de şehîd kewt.
VAHDETTÎN KARAY
EGÎD CIVYAN
COLEMÊRGE
11’Ê ÎLANA 2020’INE/BOTAN
Eşkerayî wina dewam kena.
Rayheval Egîd Civyan, Gevere de ame dinya.
Di zanîngeha Ûlûdage de, felsefeya Rayver Apoyî nas kerde. Serra 1995’ine de zanîngehe terk kerde û tewrê refanê gêrîllayî bi. Di 26 serranê gêrîllatîya xo de heme koyanê Kuridistanî de,tekoşîne da.
Heremanê Zagros û Botane de zê fermandarê Kato Jîrka û Çarçela, xebatêy pîlîy kerdîy.
Di êrîşê DAÎŞ’î yê verva Şengale, de fermandarê hêzanêy ke zê mudaxeleyî şîy Şengale bi.
Bi cesaret û fedekarîyêka pîle, şarê ma yo Êzîdî wehşetê DAÎŞ’î ra xelesna. Di plansazîya akerdişê korîdorê Rojavayî de ca girewt û di mîyanê 8 rocan de, 150 hezar însanêy ma, Koyê Şengale ra derbasê Rojavayî kerdîy.
Nameyê PKK yî sero, operesîyonêkê xelesnayişî yo tewri pîl ke dewletîy nêşikayê bikerê,bi awayêko serkewte, pêk ard. 3 serrîy Şengale de fermandarîye kerde û di sazûmankerdişê rayirberîya xosere de, kede da.
Serra 2017’ine de Fermandarîya Sewq û Îdareyî ya Fermandarîya Vakûrî de ca girewt. Serra 2018’ine de zê fermandarî derbasê Herema Botane bi Bi peratîkê xo, xeta Rayheval Egîdî-Mehsûn Korkmazî, viste pratîk.
Seba ke ma bîy rayhevalê gêrîlla û fermandarêkê winayinî, ma xo bi suhûd hîs kenê û serreberz ê. Ma do nêy esasan sero hewl bidê ke bibê, layiqê şehîdan û Rayver Apoyî.
