Seba waştişê azadîya fîzîkî ya Rayver Apoyî, çalakîyî dewam kenê.
1’ê Mijdarê ra naheta Ewrupa de çalakîyê eleqnayîşê pankartan di çarçoveyê hemleya azadîye de dewam kenê.
Têgeyrayîşê Ciwananê Kurde û komê antîfaşîstan, bajarê Marsîlya ya Fransa de çalakîya afîş û pankartan kerde.
Ciwanan, seba waştişê azadîya fîzîkî ya Rayver Apoyî, Mehleya Nordî ya Marsîlya de hîrê cayan de xebata xo domneye.
Têgeyrayîşê Ciwanan derheqê çalakîye de eşkerayî da û ard ziwan ke:
“Heta ke Rayver Apo azad bibo, ma do tim meydanan de bibê.”
Ciwanan veng da ke heme ciwanê kurdan tewrê xebata têkoşîne bibê.
Paytexta Fransa Parîse de zî 3 herêman de çalakîy estbî.
Endamanê meclîsa Cenîye Kurdî xeylê niqteyan de pankart aliqnay.
1ê Mijdare ra na heta zaf bajarê Swîsre de zî cenî û ciwanê kurdan, çalakîyê aliqnayîşê pankartan dewam keno.
Aarau, Bern û Fribourg de roja sêşeme seba şikitişê tecrîdî û azadîbîyayîşê Rayver Apoyî, pankartî ameyê aliqnayene.
