Kongreya Demokratîke ya Şaran HDK, Startê Hemleya ” Verva krîzê kapîtalîzmî tekoşîna hembare ya Şaran” da.
Di eşkerayîya Startê Hemleye de ame vatiş; Binkeya krîz û kaosanê tirkîya Tecrîdê verva Birêz Ocalanî yo.
Kongrea Demokratîke ya Şaran HDK bi eşkerayîyêka çapemenîye Startê Hemleya ” Verva Kapîtalîzmî Tekoşîna Şaran ya Hembarre” ame dayiş.
Eşkerayî Navenda Pêroyî ya HDK ya Teqsîma Stembole de amî rodarvistene.
Hemvervatoxa HDP Îdîl Ûgurlû, Hemseroka KCD Leyla Guvene, Hemseroka HDP Pervîn Bûldan, Parlamenterîy Huda Kaya, Dilşad Canbaz
Kaya, Hemseroka DBP Salîha Aydenîze, Serokê ESP Şahîn Tumuklu, temsîlkarê Partîya Newerawankerdişî ya Sosyalîste û Serokê Pêroyî Lîmter
Îş’î Kanber Saygili û Hemserokê OHD Ayşe Acinîklî,tewrê kombîyişî bîy.
Eşkerayî hetê Hemvervatoxa HDK Îdîl Ûgûrlûye ra amî wendene.
Di eşkerayî de persgira û krîzê aborî û sîyasî êy tirkîya û sebebêy înan reyna pergala yewmerdimî û polîtîkayê şerrî, amey bivîrvistene.
Tecrîdê verva Lîderê PKK yî Abdûllah Ocalanî zê binkeya heme krîz û kaosan ame nîşandayiş.
Îdîl Ûgûrlûye rayira vecîyayişê na rewşa xirabe ra zî awankerdişê cepheyê heme hêzanê demokrasî nîşan da.
Dime ra peyama Hemvervatoxê HDK yo girote Sedat Şenoglûyî ame wendene.
Di peyama Şenoglûyî de ame vatiş, Bedêlê krîz û kaosan êy îqtîdarî defîyeno milê şaran û kedkaran.
Bi no sebeb zî persgirayê civatî bi hewldanêy takekesîyan nînê çareserkerdiş.
Gere verva krîz û kaosanê civatîyan, tekoşîne û rayvistina civatî bêro organîzekerdiş û avervistiş.