HDP bi wesîleya serragêrayîya 40’ine ya Derrbeya 12’ê Îlone eşkerayîyêka nûştekî da.
HDP vat; rihê derrbeya 12’ê Îlone ewro zî hetê îqtîdarê AKP-MHP ra yeno domnayene.
Tekoşîna ma ya verva rejîmê faşîstî ewro zî verva pergala yewmerdimî dewam kena.
Parytîya Demokratîka ya Şaran HDP, bi wesîleya serragêrayîya 40’ine ya derrbeya 12’ê Îlone eşkerayîyêke da.
Derrbeya faşîste ya 12’ê Îlone ser ra 40 serrîy derbas bîy la tesîr û texrîbatê aye êy civatî,di roca ma de zî yenê hîskerdene.
HDP,îxlalkerdişê heqan êy serrdemê derrbeye de vistîy vîrî û vat.
Ewro zî heman pêkardişîy bi awayêko zafêrî di merîyete de yê.
Îqtîdarê AKP-MHP bi xespkerdişê îradeyê şaran, binçimkerdiş û girotişan,bêedaletî û polîtîkayanê qirkerdişî, heman rihî dano domnayene.
Destûra binkeyîne ya derrbekaranê 12’Îlone, ewro hetê AKP ra, seba radergkerdişê emrê îqtîdarê xo yena bikarardene.
Tekoşîna ma ya verva ferasetê pergala 12’ê Îlone, ewro zî verva Îqtîdarê AKP-MHP dewam kena.
Eşkerayî wina bi peynî bena.
“Di serragêrayîya 40’ine ya derrbeye de, ma dorêka bîne zîhnîyetê, derrbekerî lenet kenê û welatijanê xo êy ke, bi kerdenanê derrbeye
cuwîyeyê xo vînî kerd bi vîr anê.
Heta ke welatêko demokratîk bêro awankerdene û heme heqêy demokratîkî bikewê bin ewleyîye, do tekoşîna ma ya verva derrbe û heme mekanîkê derrbeyan bêmaber dewam bikero.”
