Bi tewirbîyîşî Hemserokê Pêroyî ya HDP Mîthat Sancar, parlamenter û endamanê HDP, awanîya Partîye de eşkerayîyeke derheqê êrîşê qirkerdişê sîyasî ya na sibay ame dayene.
Mîthat Sancarî eşkerayî da û vat:
“Mehkema bi destê dara îqtîdarî xebityeno. Îqtîdar her ke vînî kenê êrîş kenê, her ke êrîş kenê vînî kenê. ”
Hemserokê Pêroyî ya HDP Mîthat Sancar bi parlamenter û endamanê Desteya Rayverîya Navendî ya partîya xo Navenda Pêroyî ya HDP de derheqê êrîşê qirkerdişê sîyasî ya verva HDP de, kombîyîşî çapemenîye rodarvist.
Mîthat Sancarî eşkerayî da û wina vat:
“Di operasyonî de Hemşarederê ma ya Qersî Ayhan Bîlen, wekîlê ma yo verên Sirri Sûreyya Onder û xeylî wekîlê ma ey verûn û rayhimbazanê ma amey binçimkerdene. Wextoke dergo ke mehkema zey dara destê îqtîdarî yeno bikarardene. Bahîçelî talîmat dano, înan zî anê ca. Çqtçdar ferman dano, mehkema zî tepişeno. Êdî mehkeme hetê îqtîdarî ra ame dîlgirewtene. ”
Mîthat Sancarî bale ant qewimyayîşanê 6-8 Citmenga 2016’ine ser û wina vat:
“Verpersîyarê qewimyayîşanê 6-8 Citmenge partîya ma nîya. Tersê naye, verpersîyarê qewimyayîşan polîtîkayanê a deme ke DAÎŞ êrîşî şarî kerdbî, îqtîdara sîyasî yo. Heme çîyan nawit ke verpersîyarê qewimyayîşan çqtçdaro ke DAÎŞ wey kerdbi yo. ”
Mîthat Sîncarî vat, ey ke weçînayîşî 7’ê Hezîrane de têk şîy, verva partîya ma kampanyayanê sîyakerdiş pêk ardîy û êrîş kerdîy û wina dewam kerd:
“Îqtîdara ke dekewtbi mîyan alozîyan dest bi operasyon û êrîşanê pîle kerd. Operasyonê qirkerdişê pêk ardîy. Hemserokanê ma ey verên û xeylî parlamenteranê ma tepişti. ”
Hemserokê Pêroyî ya HDP Mîthat Sancarî wina peynî bi vatişanê xo ard:
“5 serrî yê bêmaber verva partîya ma êrîşê îqtîdarî dewam kenê. La belê tû endamê HDP çok nêda. HDP tekoşîne ra fek veranêda.
Verva heme neyînîyan tekoşîna xo berzêr û pîlêr kerd. Bi qerardarî û paştîdayîşî şarê xo, bi hêzêr bî. Na tekoşîna bi qerardarî, tersê tewir pîl yo îqtîdarî yo. Çimkê îqtîdar zaneno ke, aktorê esas ke înan bido vînîkerdiş, HDP ya. Îqtîdar di no tersê xo de nêheq nîyo. Çimkî di weçîyanîşêk de, têkşîyayîşî HDP ra tahm kerdbi. Her ke vînî kenê êrîş kenê. Her ke êrîş kenê zafêr vînî kenê.”
