Herêma Garê seba artêşa tirk ya îşgalkere bi cayê derrbwerdişanê giran.
Gerîllayanê azadîye derrbey giran day îşgalkeran ro.
Rayedaranê tirk mecbur mendê kişteyanê xo eşkera bikerê.
La hama zî zurî kenê.
Vanê ke, êy bi teyyaranê şerr ro hedefan piro dayê.
Hedefa ke êy behsê ci kneê zî, kampê esîran o.
Yani bi vatişeko bîn: Dewleta tirk ro esker û polîsanê xo, ke esîr kewtê destê PKK’yî, bombevaran kenê.
10’ê Sibatê de artêşa tirk ya îşgalkere verva herêma Garê ya Herêmey Pawiteyan êy Medya, dest bi êrîşeke newe kerd.
Çapemenîya tirk derheqê şerrî de, bi neweyanê zurî, propagandaya sîyakerdişî rayira benê.
Rayedaranê tirk ke roja verên ra eşkerayîyanê qaşo serkewte daynê, nika behsê eskeranê xo ke ameye kiştişî kenê.
Rejîma tirk seba ke sereye binkewtişê xo bigero, koyanê Kurdistanî bombevaran keno.
Bi goreye eşkerayîya HPG, artêşa îşgalkere kampa ke esker, polîs û endamanê MÎT ke destê gerîlla de esîrê, bombevaran kerd.
Badê ney zanayîşan,
Nika heme çiman keyeyê esîran ke bi serrano wazenê rayedar bikewê têgêrayîşî ser.
La zîhnîyeta rayedaranê tirk nêvurîyaya.
Seba êy, esker bimbrê ya zî bimanê xem nîyo.
21’ê Citmenga 2007’ine de gerîllayan Oremanî de 8 eskerê tirk esîr girewtbî.
Ney eskerîy 4’ê Mijdara heman serre vaşure Kurdistanî de bi protokoleke teslîme sazîyanê sîvîl û parlamenteran ameye kerdene.
Wzîre Edaletê ya AKP ya o wextî Mehmet Alî Şahînî vat; di cayo ke esîr bikewê, wa bimrê baştir o.
Di şerrî Garê de zî artêşa tirk ya îşgalkere ke gerîllayan ra derbe werd, êrîşê kampa esîran kerd.
Nameye esîrê ke destê gerîllayanê PKKyî de yê wina yê:
MÎT’î ra Serokê Karanê Cîyakarîya Etnîk ya teberayî welat Erhan Pekçetîn.
Rayirbere Çimkanîyanê Merdiman ya MÎT Aydin Guzel,
û 9 esker û polîs bi nameye
Sedat Sorgûn, Umît Gicir, Semîh Ozbey, Adîl Kabakli, Mulsum Altintaş, Mevlût Kahvecî, Sedat Yabalak, Suleyamn Sûngûr û Huseyîn Sari.
