Şandeya Şengalê li Bexda hevdîtinan dike.
Herî dawî endamên şandeyê bi nûnerên Neteweyên Yekbûyî re civiyan.
Ji ber ku aliyekî meseleyê bû, Şengaliyan nerazîbûna xwe ya li hemberî peymana bêyî wan hatî mohrkirin nîşandan.
Şandeya Şengalê ji 12’ê Cotmehê ve li Bexda ye.
Şande li dijî peymana ji aliyê PDK, Dewleta Tirk û Desthilatdariya Mistefa Kazimî ve hatî mohkirin, hevdîtinan dike.
Endamên şandeyê di roja heftan a hevdîtinên xwe de an go doh, bi nûnerên Neteweyên Yekbûyî re rûniştin.
Hevdîtin li çapemeniyê girtî pêk hat.
Endamên şandeyê nerazîbûna xwe ya li hemberî peymana li ser Şengalê ji nûnerên Neteweyên Yekbûyî re anîn ziman.
Şandeya Şengalê heta niha bi gelek aliyên siyasî, partî, sazî û rêxistinan re hevdîtin pêk anîn.
Tê payîn şande îro vegere Şengalê û têkildarî hevdîtinan raya giştî bi daxuyaniyekê agahdar bike.