Heyeta Cînîyanê Şengale, seba ke bale biancê peymana maber PDK û Bexda ser, pêdîyişanê xo yê Bexda domnena.
Heyete ewro zî bi temsîlkaranê sîyasî yê Neteweyê Yewbîyeyan êy Îraqî reyde pêdîyiş pêk bîyaro.
Pêdîyişê Heyeta Cînîyanê Şengale êy Bexda dewam kenê.
Badê peymana maberê PDK, Tirkîya û Bexda ya derheqê Şengale de, civato Êzîdî kewt mîyanê têgêrayişan.
Êzîdîy, Şengale, perçeyanê Kurdistanî, seranserê Ewropa û cîhanî de mîyanê çalakîyan de yê.
Di na çarçova de heyetêka Cînîyan ke Êzîdîyanê Şengale ra pêk yena şibî Bexda û dest bi pêdîyişan kerdbi.
Heyeta Cînîyanê Şengale ke pêdîyişanê xo domnena, ewro bi temsîlkarê Neteweyê Yewbîyeyan yê Îraqî Seîd Mihemed Necerî reyde pêdîyiş
pêk ard.
Heyere di pêdîyişê xo de bale ante ro ser peymana maberê PDK, Bexda û Tirkîya ser.
Reyna di pêdîyiş de aqûbetê cînîy û domananêy ke kewtîbîy destê çeteyanê DAÎŞ’î û aqûbetê înan hema zî dîyar nîyo, ame nîqaşkerdene.
Heyeta Cînîyanê Êzîdîyan heman wextî de bale ante ro ser bêvengîya Netewê Yewbîyeyan û nêy ardîy ziwan.
Gere NY, derheqê na mijare de erk û verpersîyarîyanê xo bi ca bîyarê û seba êzîdîyê vîndîyan bikewê mîyanê têgêrayişî.
Temsîlkarê NY Seîd Mihemed Necarî zî, vernîyazêy ke ameyê ziwan zê waştekê civatê Êzîdîyan gorotîy dest û vat;
Ma do waştekanê heyete bişirawê meqamêy eleqederan.
