12’ê Îlone baregeha artêşa dewleta tirke ya Şarçeya Cindirêsê ya Efrîne de, teqayişêko pîl pêk amebi.
Hêzanê Xelesnayişê Efrîne, çalakîye girotebî xo ser û vatbi do dîmenêy çalakîye bêrê barrekerdene.
Dîmenêy na çalakîya amey barrekerdiş ma arenê ekrananê şima ser.
12’ê Îlone baregeha artêşa dewleta tirke ya Cindirêsa Efrîne de teqayişîy pêk amebîy.
Hêzanê Xelesnayişê Efrînî eşkera kerd ke nêy teqayişî encamêy çalakîyanê înan de pêk ameyê û vatbi do dîmenanê çalakîye bi raya pêroyî
reyde barre bikerê.
HRE bi eşkerayîyêke çalakîye û dîmenêy çalakîye barre kerdîy.
Eşkerayîya HRE wina ya.
12’ê Îlone seetanê sibayî de hêzanê ma verva 2 baregehanê artêşa tirke, çalakîyê bi tesîrîy ro dar vistîy.
Di nêy çalakîyan de noqteyêy ke amey hefgirotiş amey teqnayiş û adir vecîya.
Di peynîya çalakîyan de tewir tay 7 eskerîy amey kiştiş û 10 esker û 2 çetey zî dirbetin bîy.
Reyna di çalakîye de 8 konteynirîy amey îmhakerdiş. 2 wesayîtê bi têpêy BMP û tanqêke zî amey derrbkerdiş.
Badê çalakîye, bi 2 helîkopter û xeylê ambûlansan kişte û dirbetinîy,cayê çalakîye ra amey rakerdene.
HRE vat na çalakîye verva kerdenanê tebermerdimayî êy dewleta tirke û çeteyanê aye êy verva şarê Efrîne ameyê rodarvistene.
Di eşkerayî de, derheqê êrîşanê dewleta tirke de zî nêy agahîy amey dayiş.
Artêşa îşgalkere dewê şarçeya Şêrawa bombevaran kerdîy.
Di bombevaranê dewa Birc Qase de 2 sivîlîy dirbetin bîy û xeylê dewan de zî ziraro maddî pêk ame.
