Hemleya Şoreşger ya Cenga Heftanîn dewam kena.
Gerîllayanê HPG û YJA-Star derbbey giranan ro artêşa tirk ya îşgalkere day.
Di çalakîyan de 9 îşgalkerî amey cezakerdiş.
En tay 11 îşgalkerî zî dirbetin bîy.
Navenda Resnayîş û Çapemenîya HPG derheqê çalakîyanê bi tesîr ey verva artêşa dewleta tirk ya îşgalkere ya qadanê Xantûr û Bektorîya ya herêma Heftanînî de, eşkerayîyêk bare kerd.
Eşkerayîya HPG wina ya:
“9’ê Îlone hêzê YJA-Star Girê Muhaber ya qada Xantûre de eskerê artêşa dewleta tirk ya îşgalkere hedef girotê û çalakîyêk pêk ardîy.
Mewzîya dişmên bi awayoke bitesîr ame pirodayene.
Di na çalakîye de 1 ci ra paye berz, tewir tay 5 esker amey cezakerdiş.
7 esker zî dirbetin bîy.
Çalakî ra dima artêşa tirk ya îşgalkere bi helîkopteran cenazeyanê xo û eskerêy dirbetinan qade ra hewanay.
Reyna herême zî bombevaran kerdîy.
11’ê Îlone Girê Katosûle ya qada Bektorîya de, wesayîteka kepçe ke xebatê mewzîyan kerdnê û hêzê îşgalkere ke dormeyî wesayîtî bîy, hetê hêzê ma ra amey hedefgirotene.
Di na çalakîyede wesayîta kepçe û kontra yo ke wesayîte de bi amey îmhakerdene.
3 esker amey cezakerdiş û 4 zî dirbetin bîy.
Na çalakîye ra dima zî herêma ame bombevaran kerdene.
Artêşa tirk cezakerdeyan û dirbetinanê xo bi helîkopteran qade ra vetîy.”
HPG vat, nêy çalakîy semedî vîrardişê rayhevalan ke di çarçoveya Hemleya Heyfgirotişî ya Cenga Heftanîne verva dişmênan bi qehremanî lej kerdî û şehîd bîy, amey rodarvistine.
HPG di dewamîya eşkerayîya xo de da zanayene ke, 11’ê Tebaxe qada Xantûr ya Heftanînî de verva îşgalkeran ke Girê Şehîd Berxwedan de bi ca bîy, çalakîyeke ame kerdene.
Di na çalakîye de gerîllay Êrîş û Akîf bi qehremanî lej kerdîy, derbey giranan ro artêşa tirke day û di encamê lej û bombevaranê artêşa îşgalkere de şehîd bîy.
Ame zanayene ke, do kamîya gerîllayan ke şehîd bîy dima bi raya pêroyî reyde bêrê bare kerdene.
