Navenda Resnayîş û Çapemenîya HPG eşkerayî da.
Aşma hezîranî, Dersime de 3 gerîllay şehîd bibîy.
Kontrayo ke rolê ci di şehîdbîyîşî gerîllayan de estbi, ame cezakerdiş.
Zagrose de çalakîya sabotjî ame kerdene.
Û HPG derheqê opersyonê îşgalkerîye de zî zanayîşî day.
Navenda Resnayîş û Çapemenîya HPG derheqê lejê verva îşgalkerîye de eşkerayî da û vat:
“Ma di eşkerayîya xo ya 4’ê Temmûza 2020’ine de vatbî ke, 24’ê Hezîrane de artêşa tirk ya îşgalkere dormeyê Neynika ya qezaya Pilur ya Dersime de dest bi operasyoneke îşgalkerîye kerdbî.
Di lej û êrîşanê hawayî ey verva na herême de 3 rayhimbazanê ma bi qehremanî lej kerdbîy û şehîd bîy.
Kontrayo bi name Murat Panzerogullari noqteya ke rayhimbazanê ma tede bîy dişmenî rê nawit.
Reyna cayo ke rayhimbazêke ma ke dirbetin bi zî dişmenî rê îxbar kerdbi.
No kontra 13’ê Îlone cayo ke rayhimbazanê ma şehîd bîy de, hetê hêzê ma ra ame cezakerdiş.
Na çalakî semedî vîrardişê rayhimbazanê ma Savaş, Argeş û Şiyar pêk ame. ”
HPG derheqê Hemleya Şoreşger ya Şehîd Bager û Şehîd Ronya de zî ney vatîy:
“16’ê Îlone de verva artêşa dewleta tirk ya îşgalkere, rayira Girê Çerçela ya Herêma Zagorse de çalakîya bi taktîkta sabotaje pêk ardîy.
Di na çalakîye de wesayîta eskerî ya bi tîpa JEP amey hedefkerdene.
Humara kişte û dirbetinanê eskeran nêame tesbîtkerdene.
Artêşa îşgalkere çalakî ra dima bi obus, hawan û helîkopteran herême bombevaran kerdîy. ”
LEJÊ GERÎLLAYAN YO VERVA DEWLETA TIRK YA ÎŞGALKERE
HPG: SÊRTE, COLEMÊRGE Û ŞIRNEXE DE OPERASYONÊ ÎŞGALKERÎYE
HPG derheqê operasyonê îşgalkerîye de zî ney zanayîşan da:
“10’ê Îlone de artêşa îşgalkere qadanê Deriyê Egîda, Diwana Mîr, Deriyê Keper, Şehit Sorxwîn, Şehit Resul, Bêmereşê, Çemê Karê û Şehid Berxwedan ya girêdayê herêma Herekol ya Sêrtî de eskerîy ronay û dest bi operasyonê îşgalkî kerdîy û 12’ê Îlone de apey agêray.
6’ê Îlone artêşa îşgalkere herêma Cehenem Deresî ya Elkê ya Şirnexe de dest bi operasyon kerd û 8’ê Îlone de apey agêray.
15’ê Îlone de artêşa îşgalkere herêma Gelîye Marînos ya qezaya Çelê ya Colemêrgî de dest bi operasyonê îşgalkerîye kerd û 16’ê Îlone de apey agêray.
Reyna 15’ê Îlone de artêşa îşgalkere zozananê Beytan ya girêdaye qezaya Colemêrge de dest bi operasyoneke îşgalkerîye kerd.
Maberê hêzê ma û îşgalkeran de lejeko giran qewimya.
Rayhimbazanê ma Nûman, Eylem û Dîlan ke verva îşgalkeran bi qehremanî lej kerdîy û derbey giranan day, şehîd bîy.
Do kamîya rayhimbazan dimara bi raya pêroyî reyde bêrê barre kerdene.
Artêşa îşgalkere 17’ê Îlone qada Kêste ya herêma Metîna, mentiqaya Berbizina ya qada Goşîne ya herêma Xakûrke û Girê Casusan û dewa Sorgule ya girêdayê qada Şehîd Harûn ya Qendîle bombevaran kerdîy. “
