Navenda Resnayiş û Çapemenîya HPG kamîya 2 gêrîllayanêy ke, 8’ê Hezîrane Amede de şehîd kewtîbîy eşkera kerde.
HPG vat, do xoverdêrîya rayhevalanê ma, bibo çimeyê îlhamê tekoşîna ma ya azadîye.
Navenda Resnayiş û Çapemenîye ya HPG kamîya 2 gêrîllayanêy ke 8’ê Hezîrane Amede de şehîd kewtîbîy eşkera kerde.
Eşkerayîya HPG wina ya.
8’ê Hezîrane, mentîqaya dewa Hindêse ya herema Şehîd Kendalî de maberê gêrîllayanê ma û hêzanê artêşa tirke de şerrêko giran qewemîya.
Di ney şerrî de gêrîllayanê ma derrbêy giranîy ro artêşa tirke day û 2 rayhevalê ma Nûman û Adir, şehîd kewtîy.
Kamîya rayhevalanê ma êy şehîdan wina ya.
Ramazan Ûgurlayan.Bi nameyo naskerde Nûman Brûsk Helhel. Amede de daya xo ra bîyo. 8’ê Hezîrana 2020’ine Amede de şehîd kewt.
RAMAZAN ÛGURLAYAN
NÛMAN BRÛSK HELHEL
AMEDE
8’Ê HEZÎRANA 2020’INE/AMEDE
Ramazan Gorkan.Bi nameyo naskerde Adir Xizingos. Amede de daya xo ra bîyo.8’ê Hezîrana 2020’ine Amede de şehîd kewt.
RAMAZAN GORKAN
ADIR XIZGINOS
AMEDE
8’Ê HEZÎRANA 2020’INE/AMEDE
HPG derheqê cuwîye û tekoşîna şehîdan de zî nêy vatîy.
Rayhevalê ma Nûman û Adir, kelheya xoverdêrîye Amede de amey dinya.
Rayhevalanê ma, kahneşopîya tekoşîna verva zilmî ya Amede da domnayiş û zê verkêşanê tekoşîna rûmetî verê xo da koyanê azadan êy Kurdistanî.
Rayhevalanê ma xeylê heremanê Kurdistanî de xebatîy kerdîy û bi verpersîyarîyêka pîle tekoşîne da.
Rayhevalêy ma Nûman û Adir bi fedayîtî û rihê Apoyî verva artêşa dişmenî şerrêko pîl da û derrbêy giranîy ro hêzanê îşgalkeran day.
Di peynîya xoverdêrîyêka destanî de tewrê karwanê şehîdanê azadîye bîy.
Xoverdêrîya Nûman û Adrî do bibo çimeyê îlhamî ya tekoşîna ma ya azadîye.
Ma di serre de malbatanê Nûman û Adirî, heme şarê Kurdî rê serweşîye wazenê û sozê xo yê berzkerdişê tekoşîna înan dorêka bîne newe kenê.
