HPG’Ê NASNAMEYA GERÎLAYEKÎ SALA 2019’AN LI SERHEDÊ ŞEHÎD BÛ EŞKERE KIR
Navenda Ragihandin û Çapemeniyê ya HPG’ê nasnameya gerîlayekî ku Cotmeha sala 2019’an şehîd bû eşkere kir.
Gerîla Êriş Avent Pasîn li herêma Serhedê şehîd bû.
HPG’ê ji malbata şehîd û gelê Kurd re sersaxî xwest.
Navenda ragihandin û çapemeniyê ya HPG’ê li ser şehadeta gerîla Êriş ev agahî dan.
Roja 21’ê Cotmeha sala 2019’an hevalê me Êriş dema li Eyaleta Serhedê li ser erka xwe bû aşût ket û ji ber aşûtê gihîşt şehadetê.
Li gorî daxuyaniyê nasnameya gerîlayê şehîd wiha ye:
Mûsa Firat Guven, bi nasnav Êriş Avent Pasîn li Erzîromê hatiye dinê û 21’ê Cotmehê li herêma Serhedê şehîd bû.
MÛSA FIRAT GUVEN
ÊRIŞ AVENT PASÎN
ERZIROM
21/10-2019/ SERHED
Li ser têkoşîn û kesayeta şehîd Êriş HPG’ê ev nirxandin kir.
Gerîla Êriş di malbateke niştîmanperwer de mezin bû û di temenê piçûk de polîtîkaya qirkirinê ya dewleta Tirk re rû bi rû ma.
Tu carê zilma dijmin qebûl nekir û dijî neheqiyê serî rakir. Ji bo welat û jiyaneke azad bi eşq û îddîaya serkeftinê beşdarî nava refên gerîla bû. Ji roja beşdarî nava refên Gerîla bû heta şehadeta xwe li gelek qadên têkoşînê bi ezim, eşq û fedakariyeke mezin wezîfe girt.
Navenda ragihandinê ji malbata şehîd Êriş û gelê Kurdistanê re sersaxî xwest û soz da ku ew ê têkoşîna ji bo Kurdistana azad bi serkeftinê tacîdar bikin.