Hemserokatîya Konseya Rayirbere ya KCK yî bi wesîleya serragêrayîya 83’ine ya Terteleya Dersime eşkerayîyêke bi raya pêroyî reyde barre kerde.
KCK di eşkerayîya xo de vat: Wa Sey Rîza û embazê ey rihet rakewê. Heta ke Kurdistano azad û Dersima xosere bêrê awankerdiş do tekoşîna xort û cînîyê Kurdan bê maber dewam bikero.
Hemserokatîya Konseya Rayirbere ya KCK yî, bi wesîleya serragêrayîya 83’ine ya Terteleya Dersime eşkerayîyêke da.
Eskerayîya KCK wina ya.
Na ra 83 serrîy raver, mîyan de doman û cînîy 70 hezar Elewîyê Kurdîy, Dersime de amey qetilkerdiş û Seyîd Rîza, Lacê xo û rayberê Şarê Dersime amey îdamkerdene. Ewro hema zî cayê gorê Seyîd Rîza û embazanê ey nîno zanayene. Ma bi wesîleya serragêyayîya ney qirxûnî heme şehîdanê Dersime bi rêzdarî û minnet bi vîr anê û sozê xo yê awankerdişê Dersimêka Xosere dorêka bîne newe kenê.
Eşkerayî wina dewam kena
Qirxûnê Dersime, bi xeylê raporan û vatişanê rayirberanê dewleta tirke ameyo îspatkerdene. Qirxûn seba terbîyekerdiş û tirkkerdişê Şarê Dersime ame kerdiş û zê qetlîamanê tewir pîlan êy se serra 20’ine tarîx de cayê xo girewt.
Şarê Dersime no qirxûn xo vîrî ra nêkerd û bi deyranê xo resna nifşê neweyan. Tarîxê vajêrîya fekîne yê Dersime bi no awa resa roca ma.
Seyîd Riza û Embazî xo zê sembolê orteyî ra wedartişê Dersime, amey îdamkerdene. La torinanê Seyîd Rîzayî verva na hovîtîye serre çewt nêkerd û seba hesabpersayişê na hovîtîye,tekoşîna azadîye ra fek vera nêda.
Vatişê Seyîd Rîza yo “Min bi hîleyanê şima reyde serre nêvet no min rê bi derd, la min zî verva şima serre çewt nêkerd wa no zî şimarê derd bo”, vindertişê heme Dersim û Kurdistnijan, gere verva dişmenî senî bo nîşan da.
Eşkerayîya Hemserokatîya Konseya Rayirbere ya KCK’yî wina bi peynî bena.
Wa Seyîd Rîza û embazê xo rihet rakewê. Bi elewî û sûnîyanê xo heme cînî û ciwanê Kurdan bi verkêşîya şehîdanê zê Sait Kızıltoprak, Ali Haydar Yıldız, Hüseyin Cevahir, Suleyman Cihan, Mazlum Doğan, Sakine Cansız, Helin Murat û Cafer Cangöz û bi hezaran şehîdan , verva qetlîamkeran serre çewt nêkenê û heta ke Kurdistano Azad û Dersima xosere bêrê awankerdiş, do tekoşîna xo bidomnê.
