Hemserokatîya Konseya Rayirbere ya KCK yî derheqê erdlerzê Îzmîrî de eşkrayîyêke bi raya pêroyî reyde barre kerde.
KCK di eşkerayîya xo de malbatanê kesanêy ke cuwîyeyê xo vînî kerdo rê serweşîye waşte û vat;
Di wextê afatanê xozayî de gere paştîdayiş û hetkarîy civatî di her astî de bêro nîşandayiş.
Hemserokatîya Konseya Rayirbere ya KCK yî bi sebebê erdlerzê Îzmîrî de, eşkerayîyêke da.
Konseya Hemserokatîye di eşkerayîya xo de malbatanêy ke xizmêy xo vîndî kerdê rê serweşîye û dirbetinan rê şîfaye waşte.
Eşkerayîya KCK wina ya.
Afatê xozayî seba paştîdayiş û hetkarîye rewşêy tewir, muhîm ê.
Paştîdayiş û hetkarîya ciwatî gere di wextêy winayina de zafêrî bêrê bicaardene.
Afata ke ewro Îzmîr de qewemîyaya beno ke siba cayêko bîn de pêk bêro.
Bi no sebeb kamî û bawerîye çi bena wa bibo gere di asta tewir berze de paştîdayiş û hetkarîya civatî, bêro nîşandayene.
Perro bîn de, di na pêvajoya ke polîtîkayê cîyakerdişê kamî û bawerîyan di asta tewir berze de heqê îqtîdarî ra yenê avervistene de, nêy paşdîdayiş û hetkarîy verva heme nêweşîyan bibê derman.
Afatê xozayî verva ferasetê kar, qezenc û takekesîtîye êy pergala Kapîtalîste, muhîmîya ferasetê civatî orte de ronanê.
Bi no sebeb Şaro kurd do di her cayî de paştîye û hetkarîye bido cîran û birayanê xo, dejê înan barre bikero û di na afata xozayî de verpersîyarîya xo bi ca bîyaro.
Ma hîvîdarêy ke do nêy dejîy bi hemkarî û hetkarîa civatî bêrê derbaskerdene.
