Konseya Hemserokatîya Rayirbere ya KCK derheqê êrîşanê verva HDP de eşkerayîyêke da.
KCK di eşkerayîya xo de vat verva nêy êrîşan vindertiş gureyê heme hêzanê demokrasî û şaran o.
Konseya Hemserokatîya Rayirbere ya KCK yî derheqê êrîşanê verva HDP de eşkerayîyêka nûştekî da.
KCD di eşkerayîya xo de vat:
No îqtîdar, îqtîdaro tewir zeîf yê tarîxê tirkîya yo.
Sebebê lingan sero mendişê ney îqtîdarî vilayî û pêhetnêameyişê hêzanê demokrasî yo.
Tenê yew program û mexsedê ney îqtîdarî est o,o zî neyartîya verva kurdan a.
Bi no sebeb gere heme hêzê demokrasî û kurdîy di tifaqêko tewir verhîra de bêrê pêhete û tekoşînêka hembarre berz bikerê.
Na êdî seba heme dorme û beşanê civatî bîya rewşêka nêbo, nêbena.
Mexsedê nêy êrîşan vilakerdiş û astengkerdişê pêhetameyişê hêzanê demokrasî û muxalefetî yo.
Bi no sebeb verva heme beşanê civatî êrîşê tewir hovan pêk ano û wazeno civatî bêveng bikero.
Gere tu dormeyêke nêy îqtîdarê faşîstî ra çîyêko baş hîvî nêkero.
Verva faşîzmî tenê tekoşîne yena dayiş.
