Hemserokatîya Konseya Rayirbere ya KCK ye, derheqê qerarê îdamî yê Mazlûm Dag û Ebdurrahman Erî de, eşkerayîyêka nûştekî da.
Konseya Hemserokatîye di eşkerayîya xo de vat; Qerarêko winayin nîno qebûlkerdiş û gere verva ney qerarîy raya pêroyî, helwesta xo nîşan bido.
Hikumatê Hewlêre derheqê 2 ciwananê kurdan êy bi nameyanê Mazlûm Dag û Abdûrrahman Erî, ke bi kiştişê endamê MÎT’ê tirkî Osman Koseyî, yenê sûcdarkerdiş qerarê îdamî dabi.
Hemserokatîya Konseya Rayirbere ya KCK yî, derheqê ney qerarî de eşkerayîyêka nûştekî da.
Eskerayîya KCK wina ya.
Ameyiş-kiştişê keso ke seba kiştişê şoreşgeranê Kurdan ameyê vaşûr zê sûcêkê pîlî ameyo dîyiş.
Seba ke tirkîya memnûn bikero, bêke bi awayêko hiqûqî bêro îspatkerdiş, mehkemeya Vaşûrê di wextêko kilm de mehkeme bi peynî
kerde û qerarê îdamî da.
Nêy qerarê Mehkemeya Vaşûrî Şarê ma yê çar perçeyanê Kurdistanî nerihet kerdo û decna yo.
No qerar hetê şarê Kurdî ra nîno qebûlkerdiş.
Bi no sebeb gere heme raya pêroyî ya Şarê Kurdî, hunermend û sazî û dezgey verva ney qerarî nêrazîbîyiş bidê û seba serbest veradayişê
her didi ciwanan bikewê mîyanê têgrayişî..
Pêkardişê qerarê Îdamî do seba PDK zî bibo xetayêka tarîxî.
Eşkerayî wina bi peynî bena.
Ma qerarêko winayin bi tu awayî qebûl nêkenê.
Di serre de şarê Vaşûrê Kurdistanî, ma veng ro heme şarê xo êy çar perçeyan û teber welatî kenê ke, helwesêka cîddî nîşan bido.
Hemserokatîya Konseya Rayirbere ya KCK, derheqê wefatê Şêx Sadareddînî de zî peyama serweşîye da.
KCK di eşkerayîya xo de vat ma bi wefatê Şêx Sadreddînî xemgîn ê.
Şêx Sadreddînî di heme cuwîyeyê xo de seba heqan û azadîya şarê xo tekoşîne da.
Ma bawer kenê ke do bi tekoşîne, kede û di kişta mezlûman de cagirewtişê xo tim di zerîya şarê xo de ca bigero.
Bi na wesîla ma di serre de keyeyê Şêx Sadreddînî, heme şarê Kurdî rê serrweşîye wazenê û sozê xo yê bicardişê kurdistanêkê azadî newe
kenê..
