Hemserokatîya Konseya Rayirbere ya KCK’yî êriş û şerê herêma Garê sera eşkerayîyêk da.
Gere Şarê ma yê Vakûr,Rojava, Rojhilat,Vaşûr û yê teberê welatî, tewrê hemleya Tecrîd,Faşîzm û Îşgalkerî rê beso, Wext Wextê Azadîye yo bibê..
HEMSEROKATÎYA KONSEYA RAYIRBERE YA KCK:
GARÊ DE MABERÊ GERÎLLAYAN Û ARTÊŞA ÎŞGALKERE DE ŞERR EST O
Hemserokatîya Konseya Rayirbere ya KCK’yî derheqê êriş û îşgalkerîya Artêşa Tirke ya verva herêma Garê ya Vaşûrê Kurdistanî de eşkerayîyêk da.
KCK da zanayişî ke,Lazimo şarê Çarperçeyê Kurdistanî û yê teberê welatî verva êrişê bi armancê îşgalkerîy,tewrê hemleya Tecrîd, Faşîzm û Îşgalkerîye rê beso, Wext Wextê Azadîye yo bibê.
KCK derheqê êrişê verva herêma Garê de ney zanayişî barî kerdîy;
Wezîrê Şerê taybetî û Serokê Artêşa Tirke,çend rocî verîy,hukumatê Bexda û rayirberîya Hewlêre reyde pîdîyayişî viraştîbîy.
Badê pêdîyayişê maberê heyeta şerê taybetî yê Dewleta Tirke û yê Rayirberanê Hewlêre, Teyeranê Artêşa
Tirke şewa 10’ê Sibate êrişê herêma Garê ya Pawitişanê Medya kerd.
Reyna Artêşa Tirke bi helîkopteranê xo esker sewqê herêma Garê kerd.
Maberê Gerîlayanê azadîye û artêşa îşgalkere de şerêko xidar qewimîya û şer bi xidarîy dewam keno..
HEMSEROKATÎYA KONSEYA RAYIRBERE YA KCK:
ÊRIŞ Û ÎŞGALKERÎYA VERVA GARÊ BI HETKARÎYA PDK VIRAZÎYEN O
Hemserokatîya Konseya Rayirbere ya KCK’yî bale ante êrişê artêşa Tirke ya verva herêma Garê de rolê PDK ser û una vat;
Herêma Garê sînorê Vaşûrê Kurdistanî de ya.
Sînorêke dewleta Tirke xo rî mabenê Vakûr û Vaşûrê Kurdistanî de bewlî kerdê zî,ney sînoran ra durîyê
Artêşa Dewleta Tirke îtya raver zî wext û biwext,bi teyeran êrişê herêma Garê kerdêne.
La nika Artêşa Tirke bi bejayî ra, eskerê xo sewqê herêma Garê kerdê.
Artêşa Tirke bejayî ra bê îznê PDK nêeşkena êrişê Garê bikero.
Roca kû artêşa tirke êrişê Garê kerd,Mesrûr Barzanî,dorêka bîne Gerîllayê azadîye sucdar kerdîbîy.
Ney vatişê Mesrûr Barzanî bi armancê êrişê Artêşa Tirke rê qilif û meşrîyet vînayişî bi.
Reyna 2 -3 aşmî raver Quwetanê eskerî yê PDK heremê Gerîllayanê Azadîye dorpêç kerdebiy.
Êrişê verva Garê ya Artêşa Tirke badê dorpêçkerdişê quwetanê PDK virazîya yo..
HEMSEROKATÎYA KONSEYA RAYIRBERE YA KCK:
GERE HEME ŞARÊ MA TEWRÊ HEMLEYA “WEXT WEXTÊ AZADÎYE YO” BIBÊ
Hemserokatîya Konseya Rayirbere ya KCK eşkerayîya de veng ro şarê Kurdî û dostanê Kurdan kerd û vat:
“Dewleta Tirke bi hetkarîya PDK êrişê verva Garê bi plan wextê serageyrayîya Komploya 15’ê Sibate de viraşt. Armancê îşgalkeran tasfîyekerdişê têgeyrayişa azadîye ya.
Gere heme şarê ma bi goreyê na raştîre hereket bikero. Sere de şarê ma yê Vaşûrê Kurdistanî,gere heme hetîra verva îşgalkerîya Artêşa Tirke vengê xo berz bikero.
Reyna şarê ma yê Vakûr,Rojava,Rojhilat û yê tebere welatî tewrê hemleya tecrîd, faşîzm û îşgalkerî rê nê, wext wextê azadîye yo bibê. Bi xoverderî û tekoşîna gerîlayanê azadîye, û bi tekoşîna şarê ma do hereketê azadîye seserra 21’ine de welatê ko azad û demokratîk şarê ma rê înşa bikero.”
