Endamê Komîteya Şar û Bawerîyan Cîhan Erenî derheqê rewşa Rochelatê Mîyanênî û êrîşanê dewleta tirke de cewabê persanê ANF da.
Erenî vat; Seba çareserbîyişê persgirayan, gere zîhnîyetê pergala dewleta tirke ya persgiraya kurde bêro vûrîyayişî.
Di cayoke persgiray bi rayira dîyalog û demokrasî bêrê çareserkerdiş, pergala faşîste ya dewleta tirke di şerr û îşgal de îsrar kena.
Erenî vat;
Badê têkşîyişê DAÎŞ’î, Rochelato Mîyanên de, verî zafêrî alozîy vecîyenê meydan. Sebebê naye, dewleta tirke bixo ya.
Dewleta tirke waşt bi destê DAÎŞ’î, kurdan çinê bikero û Rochelatê Mîyanênî bikero binê kontrolê xo,la nêşika. Bi no sebeb zî nika bi fitne û planê qilêrinan, wazena maberê şar û bawerîyan de, alozîyan xorî bikero.
Şerrê DAÎŞ’î, hetê îqtîdarê Erdogan û Bahçelîyî ra ame dewrgirotiş. Bi vatişêko bîn, ferasetê DAÎŞ çinê nêbîyo di şexsê Erdogan û Bahçelî de, taqtîk vûrnayo.
Erenî vat;
Di binkeya naye de zî, polîtîkayê Osmanîtîye êy îşgal û îlhaqî est ê. Persgiraya Kurde, di na mijare de dewleta tirke vista mîyanê krîzêkê pîlî.
Bi no sebeb, di cayêko na persgira bi rayirêy demokratîkan çareser bikero de, zafêrî êrîşkare bîya û di şerr de îsrar kena.
Cîhan Erenî, derheqê polîtîkaya dewleta tirke ya Kurdistanî sero zî, nêy vatîy.
“Îşgalkerîya dewleta tirke ya Kurdistanî, bi awayêko îdeolojîk, bikarardişê olê îslamî sero ya. Seba ke kurdîy ro kamî, çand û tarîxê xo wayir nêvecîyê,Îslam ameyo şixulnayiş.
Bi destê dewlete, kurdistan de xeylê terîqet û cemeetî, ameyê awankerdene. Kamî,ziwan û çandê kurdan, di bin nameyê îslamî de, ameyê înkarkerdene. La di raştîye de îslam, no nîyo.
Bi goreyê îslamî her çand, ziwan û şar, ayetêkê Homayî yo û înkarê înan, înkarê ayete yo.
Êy ke ewro Kurdistan de hetkarîye danê AKP, na kahneşopîye ra yenê. Heta tekoşîna PKK yî na xete di Kurdistan de zafêrî hêzdare bî”.
Endamê Komîteya Şar û Bawerîyan Cîhan Erenî vatişê xo wina bi peynî kerdîy.
“Zê hereketî, ma fikrê xo ro kesî, bi zor nêdanê qebûlkerdene.
Ma seba şarê Kurdî çi wazenê se, seba şarê bînan zî, heman çîyan wazenê. Gere şarê ma û şarê hereme, di na mijare de heşîyarî bê.
Di serre de dewleta tirke, heme dewletêy hereme û hêzêy hegemonîkî, seba domnayişê rejîm û îqtîdaranê xo, maberê şaran de fitne û alozîyan vecenê.
Paradîgmaya ma biratî û mîyanê aştîye de têreyde cuwîyayişê şaran a.”