KCK bi wesîleya wefatê Dadîya Fatma û Şahadeta Ebrû Tîmtîke mesajê serweşîye da.
KCK, keyeyê Dadîya Fatma û Ebrû Tîmtîke û şaran rê serweşîye waşt.
Kongreya Komeleya Kurdistanî KCK bi wesîleya Şehîdkewtişê Pawitox Ebrû Tîmtîk û Dadîya Şehîdan Fatma Yildirime eşkerayîyê ka serweşîye da.
Eşkerayîya KCK wina ya;
Pawitoxa Şoreşger Ebrû Tîmtîke semedê edaletî dest bi çalakîya roceyê mergî kerd.Ebrû Tîmtîke verva bê edaletî tekoşîna edaletî û yewîtîya şaran da.
Xoverderîya Ebrû Tîmtîke tarîxê şoreşgerî de cayê xo bi herfanê zerdinan girewt.. Xoverderîya Ebrû, semedê azadîya heme şaran û azadîya Cenîyana.
Ma bi xoverderîya Ebrûyan minnetdar û sereberzê.
Tekoşîn û Xoverderîya Ebrû û Aytaçî,tespîtê xoverderîya azadîy û xelasîya Şarê Kûrdistanî û şaranê Tirkîya yo.
Ma do waştekê Ebrûyan,tekoşîna xo ya azadîya Kûrdistanêka azade û Tirkîya ya ke Demokratîke de bi ca bîyar.
KCK derheqê Wefatê Dadîya Fatma Yildirime de zî ney vatîy;
Dadîya Fatma Yildirime Qezaya Bazarcika bajarê Meraşî de, keyeyê ko welatperwerîre dadîtîy kerd.
Seranê verînan de Şoreşgerê Azadîya Kûrdistanî rê berê keyeyê xo akerd û ey wey kerdîy.
Badîzî verva zilm û zordarîya Dewleta Tirke Dadîya Fatma koçber bîy.
La Dadîya Fatma heme cade bi hetkarîy û weykerdişê Şoreşgeranê Partîya PKK cuwîyay.
Keyney,lacî û merdimê Dadîya Fatma tewrê refanê hereketê azadîye bîy û şehîd bîy.
Reyna bi desan merdimê Dadîya Fatma Yildirime nika zî tekoşîna azadîya Kûrdîstanî de ca gênê.
KCK keyeyê Dadîya Fatma û keyeyê Pawitox Ebrû Tîmtîke û heme şarê Kûrdistanî rê serweşîye waşt..
