Hemserokatîya Konseya Rayirbere ya KCK yî, derheqê eşkerayîyanê Mesûd Barzanî de eşkerayîyêke bi raya pêroyî reyde barre kerde.
KCK di eşkerayîya xo de vat;
“Mesûd Bazanî bi vatişanê xo nîyetê xo yê şerrî nîşan dano.
Eşkerayîyê Barzanî seba meşrû nîşandayişê xo êy polîtîkayanê şerrî yê.”
Hemserokatîya Konseya Rayirbere ya KCK yî derheqê vatişanê Mesûd Barzanî de eşkerayîyêke bi raya pêroyî reyde barre kerde.
KCK vatişê Mesûd Barzanî êy PKK yî Şengale îşgal kerde vistîy vîrî û vat;
PKK yî Şengale hêzêka bîne nê, DAÎŞ’î ra xelesna. Reyna PKK yî bi naye PDK zî verpersîyarîyêka zafêrî pîle ya qirkerdişî ra xelesna û rûmetê PDK pawit.
Eşkerayî wina dewam kena:
Fermadarê Qerargeha Navendî yê NPG yî Mûrat Karayilanî, vat sewqîyatê hêzanê pêşmergeyan, hedreyîya şerrî ya û veng ro Mesûd Barzanî kerd ke vernîye ro naye bigero.
La Serokê Pêroyî yê PDK Mesût Barzanî, seba ke hedreyîyanê xo êy şerrî rê meşûrîyetêke peydan bikero, hincetîy rêz kerdî û verê çimanê heme şarê kurdî de raştîye verapey kerde. Bi na helwesta xo nîyetê xo yê şerrêkê verva PKK yî eşkera kerd.
HEMSEROKATÎYA KONSEYA RAYIRBERE YA KCK’YÎ
MESÛD BARZANÎ VATIŞANÊ XO MEXSEDÊ DORMEKERDIŞÊ GÊRÎLLAYAN EŞKERA KERD
Mesûd Barzanî vatişê xo yê “şerrê maberê kurdan heram o”, bi rêzkerdişê hincetan, helal kerd û îlanê şerrî kerd. Reyna bi ney vatişan, mexsedê xo yê sewqîyatê hêzan û dormekerdişê heremanê gêrîllayan zî eşkera kerd.
Eşkerayî wina dewam kena.
Tu persgirayêka PKK, bi PDK û rayirberîya Vaşûrê Kurdistanî reyde çîn ya. PDK bi sebebê têkilîyanê xo yê dewleta tirke reyde, dişmentîya PKK yî kena.
Heme dinya zanena ke, tu hêzêke bê duştverîya PKK yî, nêşikena bi dewleta tirke reyde, têkilîyan aver bifîno.
Vilakerdişê heşmendîya ke PKK zirar dano Vaşûrê Kurdistanî, raşte nîya û heke ewro Vaşûr û perçeyê bînan êy Kurdistanî de destkewtey est ê se, naye de rolêko pîl yê PKK yî est o.
PDK, PKK yo ke 40 serrîy o heme perçeyanê Kurdistanî de şerrê azadîye dano, îşgalker îlan keno la bi desan baregehanê dewleta tirke û êrîşanê îşgalkerîye ke bi desan sivîlan cuwîyeyê xo vînî kerdo. meşrû nîşan dana.
PKK yî heta nika bi tu hêzêka dişmene reyde hemkarîye nêkerda. La PDK bi doran bi dewleta tirke reyde êrîşê gêrîllayan kerd.
Di şerrê verva PKK yî de arguman û hincetê Dewleta tirke û PDK bi heman awayî yê. Gere di serre de naye sero bêro fikirîyayiş.
KCK di peynîya eşkerayî de nêy vatîy.
Tu nîyetêkê ma yê bi hêzêka kurde reyde şerrî çîn yo. Hêzêy PDK wazenê bi hemkarîya dewleta tirke PKK yî dorme bikerê. Bi no sebeb ma veng ro heme şarê Kurdî, Partîyê sîyasîyan, cînî, ciwan, roşinvîr, hunermend û dostan kenê ke verva nêy polîtîkayanê PDK ke, do bibê sebebê zirarêkê pîlî, helweste nîşan didê
